काठमाडौं । आगामी चैत ९ गतेदेखि देश विदेशका सिनेमाघरमा आउने तयारीमा रहेको चलचित्र ‘महाजात्रा’को निर्माण युनिटले पछिल्लो समय चर्चामा रहेको एआई प्रविधिको पनि प्रयोग गरेको छ । ‘जात्रा’ मार्फत दर्शकमाझ प्रसिद्ध पात्र फडिन्द्र, जोएश र मुन्नालाई एआईलाई प्राप्त अगाडि ल्याएको हो । यी पात्रले चलचित्र ‘महाजात्रा’ मा पनि निरन्तरता पाएका छन् । चलचित्रको ट्रेलरमा देखाइएको सुन र पैसाको मोहमा रहेका ती पात्रलाई एआईमार्फत पनि झल्काइएको छ ।
अहिले सामाजिक सञ्जालमा एआई प्रविधिको बढ्दो प्रभावलाई ध्यानमा राखेर आफूले पनि चलचित्रको पात्रको क्यारेक्टर लुक्स एआईमार्फत तयार पारेको निर्देशक प्रदीप भट्टराइले बताउनुभयो । ‘महाजात्रा’ हिट चलचित्र ‘जात्रा’ को तेस्रो सिक्वेल हो । प्रदीप भट्टराईको लेखनसमेत रहेको यो चलचित्र फिल्म षट्कोण आर्ट्सको ब्यानरमा निर्माण भएको हो ।
चलचित्रमा हरिवंश आचार्य, विपिन कार्की, रवीन्द्रसिंह बानियाँ, रवीन्द्र झा, वर्षा राउत, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्कालगायतको अभिनय छ । ‘महाजात्रा’ को भारतबाहेकको अन्तर्राष्ट्रिय प्रदर्शन अधिकार एमएसएम इन्टरटेनमेन्टले खरिद गरिसकेको छ । चलचित्रमा म्याक्स दीपेश खत्री र यज्ञश्वर पौडेल निर्माता हुनुहुन्छ । चलचित्रको निर्माण युनिट यतिबेला चलचित्रको प्रचारका लागि मोफसलका विभिन्न ठाउँमा पुगेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच