काठमाडौं । काठमाडौं स्पोर्ट क्लाइम्बिङ सेन्टरको आयोजनामा भएको पिक ओपन लिड क्लाइम्बिङ च्याम्पियनसिपको उपाधि तेन्जिङ राई र पञ्चमाया तामाङले जित्नुभएको छ । कामनपा वडा नम्बर १६ कालधारा पकनाजोलस्थित काठमाडौं स्पोर्ट क्लाइम्बिङ सेन्टरमा भएको एकदिने प्रतियोगितामा तेन्जिङ पुरुषतर्फ र पञ्चमाया महिलातर्फ च्याम्पियन बन्नुभएको हो । पुरुषतर्फ च्याम्पियन बन्नुभएका तेन्जिङले ८० अंक स्कोर गर्दै नगद २० हजार र विभिन्न गिफ्ट हृयाम्पहरू जित्नुभएको हो ।
यस्तै, दोस्रो हुनुभएका साजन लामाले ५६ अंक स्कोर गर्दै नगद १० हजार र तथा तेस्रो हुनुभएका रोनक उप्रेतीले नगद ५ हजार र गिफ्ट हृयाम्पटरहरू प्राप्त गर्नुभयो । रोनकले २० अंकको स्कोर गर्नुभयो ।
महिलातर्फ पहिलो हुनुभएकी पञ्चमायाले पनि २० हजार र गिफ्ट हृयाम्पर प्राप्त गर्नुभयो । यस्तै, दोस्रो हुनुभएकी स्वस्तिका चौधरीले १० हजार र तेस्रो हुनुभएकी सिर्जना तामाङले पाँच हजार नगद र विभिन्न गिफ्ट हृयाम्परहरू प्राप्त गर्नुभयो ।
खुला प्रतियोगिताको महिलातर्फ १४ र पुरुषतर्फ २० गरी कुल ३४ खेलाडीले सहभागिता जनाएको काठमाडौं स्पोर्ट क्लाइम्बिङ सेन्टरका प्रबन्ध निर्देशक प्रनिलमान श्रेष्ठले जानकारी दिनुभयो । जसमा तीन विदेश खेलाडीसमेत सहभागी थिए ।
पहिलो चरणमा क्वालिफिकेसन राउण्डमा खेलाडी प्रतिस्पर्धा गराइएको र त्यसपछि अन्तिम चरणमा आठ पुरुष र आठ महिला खेलाडीबीच प्रतिस्पर्धा गराएर विजेता घोषणा गरिएको श्रेष्ठले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच