विराटनगर । मोरङ क्रिकेट संघको आयोजनामा विराटनगरमा जारी कोशी प्रदेश ट्रफी पेप्सी राष्ट्रिय टी-२० क्रिकेट प्रतियोगितामा त्रिभुवन क्लबले सेमिफाइनलमा स्थान बनाएको छ । विराटनगरको बैजनाथपुर क्रिकेट रंगशालामा मंगलबार भएको पहिलो खेलमा आर्मीले घरेलु टोली कोशी प्रदेशलाई ५ विकेटले पराजित गरेको छ । आर्मीसँग पराजित भएको कोशी प्रतियोगिताबाट बाहिरिएको छ । समूह ‘ए’ मा चार खेल खेलेको कोशीले एकमा जित र तीन खेलमा पराजित भएको छ ।
कोशी दुई अंकका साथ तेस्रो स्थानमा रहेको छ भने आर्मीले लगातार तीन खेलमा जित हात पार्दै सेमिफाइनलमा प्रवेश गरेको छ । आर्मी ६ अंकका साथमा शीर्षस्थानमा छ । आर्मीले अब एपिएफसँग लिगको अन्तिम खेल खेल्नेछ । सबै चार खेल खेलेको कर्णालीले दुईमा जित र दुईमा पराजित भएपछि चार अंकका साथ दोस्रो स्थानमा रहेको छ भने दुई खेलमा एकमा जित र एकमा पराजित भएको एपिएफ दुई अंकका साथ तालिकामा चौथो स्थानमा रहेको छ ।
टस हारेर ब्याटिङ गरेको कोशीले निर्धारित २० ओभरमा ६ विकेट गुमाई १३५ रनको योगफल तयार पारेको थियो । कोशीका लागि दिपेश कँडेलले ३६ बलमा २ छक्का र २ चौका प्रहार गरी अविजित ४० रन बनाउँदा श्रवण यादवले १४ बलमा ५ चौका प्रहार गर्दै २९ रन बनाउनुभयो ।
एक समय १५ दशमलब ८९ रनमा ६ विकेट गुमाएको कोशीका लागि कँडेल र यादवले २६ बलमा ४६ रनको अविजित पारी खेल्नुभयो । त्यस्तै, अनिल लामिछानेले २१ रन र सुजन थपलियाले १४ रनको योगदान दिनुभयो । आर्मीका त्रितराज दासले २ विकेट लिँदा पवन कार्कीले पनि २ विकेट लिनुभयो ।
जवाफमा १३६ रनको लक्ष्य पछ्याएको आर्मीले १८ दशमलब ४ बलमा ५ विकेट गुमाई लक्ष्य पार गरेको थियो । आर्मीकोे जितमा प्लेयर अफ द म्याच त्रितराज दासले ३२ बलमा २ छक्का र ४ चौका प्रहार गरी ३५ रन जोड्दा सन्तोष कार्कीले २४ रन जोड्नुभयो । कोशीका श्रवण यादव र ज्ञानेन्द्र श्रेष्ठले २-२ विकेट लिनुभयो ।
बागमती प्रदेशले गण्डकी प्रदेशलाई ४ विकेटले पराजित गरेको छ । जितसँगै बागमती समूह ‘बी’ मा तीन खेलमा एकमा जित र दुईमा पराजित हुँदै दुई अंकका साथ तेस्रो स्थानमा उक्लिएको छ भने गण्डकीले खेलेका चारै खेलमा पराजित हुँदै अंकविहीन भएर घर फर्किएको छ ।
टस जितेर ब्याटिङ गरेको गण्डकीले निर्धारित २० ओभरमा ८ विकेट गुमाई १५० रनको स्कोर बनाएको थियो । गण्डकीका लागि ४७ बलमा १ छक्का र ९ चौका प्रहार गरी ६२ रन बनाउँदा अभिषेक थापाले २३ रनको योगदान दिनुभयो । बागमतीका इशान पाण्डेले २ विकेट लिँदा रामनरेश गिरी, दिपेश श्रेष्ठ र तिलक भण्डारीले समान १-१ विकेट लिनुभयो ।
जवाफमा १५१ रनको लक्ष्य पाएको बागमतीले १९ दशमलब २ बलमा ६ विकेट गुमाई सो विजयी लक्ष्य पार गरेको थियो । बागमतीको जितमा प्लेयर अफ द म्याच रामनरेश गिरीले २७ बलमा ३ छक्का र ४ चौका प्रहार गरी अविजित ५० रनको पारी खेल्नुभयो । त्यस्तै, रविन जोशीले अविजित ३२ रन बनाउँदा आशुतोष घिरैयाले २९ रनको महत्वपूर्ण योगदान दिनुभयो । गण्डकीका सुवास भण्डारीले ३ विकेट लिँदा सन्दिप पराजुली र अभिषेक थापाले १-१ विकेट लिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच