स्याङ्जा । यस वर्ष चैत्र १५ बाट सुरु हुने एसइइ परीक्षामा स्याङ्जा जिल्लाबाट १६८ विद्यालयका ४३४० विद्यार्थीहरु सहभागी हुँदैछन् । यस वर्ष स्याङ्जाबाट नियमिततर्फ ४२७७ जना र ग्रेड वृद्धितर्फ ६३ जना गरी कूल ४३४० जना विद्यार्थीले एसइइ दिँदै छन् ।
यस वर्ष जिल्लाबाट प्राविधिकतर्फ १५६ जना विद्यार्थी एसईई परीक्षामा सहभागी हुने छन् । यस वर्ष जिल्लाभर जम्मा परीक्षा केन्द्र २६ वटामात्र कायम गरिएको शिक्षा विकास तथा समन्वय एकाइ स्याङ्जाका प्रमुख विश्वराज आचार्यले बताउनुभयो ।
विद्यार्थीको घट्दो सङख्याका कारण परीक्षा केन्द्र घटाइएको तथा प्रत्येक पालिकामा कम्तीमा एउटा परीक्षा केन्द्र पर्ने गरी मिलाइएको उहाँले बताउनुभयो ।
अघिल्लो वर्ष स्याङ्जा जिल्लाभर ३४ वटा परीक्षा केन्द्र कायम गरिएको थियो भने यस वर्ष ८ वटा परीक्षा केन्द्र कटौती भएका छन् । परीक्षाको सबै तयारी पूरा भइसकेको शिक्षा समन्वय प्रमुख आचार्यले बताउनुभयो । ‘परीक्षालाई मर्यादित र व्यवस्थित बनाउन सबैको सहयोगको अपेक्षा गरेका छौं ।’ उहाँले भन्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच