काठमाडौँ । नेपाली कांग्रेसका महामन्त्री गगनकुमार थापाले केही समय भित्रै कांग्रेस पुनः सरकारमा पुग्ने दाबी गर्नुभएको छ ।
शुक्रबार संवाद यात्राका क्रममा कपिलवस्तुमा आयोजित कार्यक्रममा महामन्त्री थापाले पार्टी फेरि सरकारमा पुग्ने बताउनु भएकाे हाे ।
‘भर्खर त गएको हो । एकडेढ हप्ता भयो,’ उहाँले भन्नुभयो, ‘फेरि आइहाल्छ । धेरै पनि छैन । केही समय पछि फेरि आउँछ । सरकारले त कांग्रेसलाई पछ्याइहाल्छ ।’
महामन्त्री थापाले देशमा भइरहेको निराशालाई कांग्रेसले मात्र निकास दिनसक्ने समेत दाबी गर्नुभयो ।
‘एमालेसँग आन्दोलन गर्ने क्षमता छ, नयाँ पार्टीसँग हल्ला गर्ने क्षमता छ । देशलाई निकास दिन सक्ने चरित्र भएको पार्टी कांग्रेस मात्र हो,’ उहाँले भन्नुभयो ।
मुलुकलाई निराशाबाट बाहिर निकाल्नका लागि पहिला कांग्रेसभित्रको पनि निराशा चिर्नुपर्ने बताउँदै उहाँले आगामी चुनावअघि गठबन्धन नगर्ने महासमितिबाट पारित प्रस्ताव केन्द्रीय समिति बैठकबाट अनुमोदन हुने समेत उहाँले बताउनु भयो ।
महामन्त्री थापाले आगामी महाधिवेशनबाट पार्टीको विधानमा भएका केही विषय संशोधन गरिने समेत बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच