काठमाडौं । नेपाल भलिबल संघ (एनभीए) र खेल सामग्री उत्पादक अन्तर्राष्ट्रिय कम्पनी केल्मीबीच नयाँ सम्झौता भएको छ । काठमाडौंमा एक कार्यक्रमबीच नेपाल भलिबल संघले केल्मीसँग नयाँ सम्झौता गरेको हो ।
नेपाल भलिब संघका अध्यक्ष जितेन्द्रबहादुर चन्द र केल्मीका कन्ट्री डिरेक्टर प्रदीप न्यौपानेले नयाँ सम्झौता पत्रमा हस्ताक्षर गर्नुभयो । अध्यक्ष चन्दका अनुसार भलिबल संघले केल्मीसँग तीन वर्षका लागि नयाँ सम्झौता गरेको हो । सम्झौता अनुसार केल्मीले नेपालको राष्ट्रिय महिला तथा पुरुष भलिबल टोली र जुनियर गरी चार टोलीलाई जर्सीलगायत विभिन्न खेल सामग्री उपलब्ध गराउनेछ ।
केल्मीले तीन वर्षमा करिब एक करोड रुपैयाँबराबरको खेल सामग्री भलिबल संघलाई उपलब्ध गराउने बताइएको छ । नयाँ सम्झौतासँगै यसअघि राष्ट्रिय खेलाडीका लागि जर्सीलगायतको खेल सामग्री व्यवस्थापनमा भोग्दै आउनुपरेको टाउको दुखाई र झन्झटबाट अब भने संघले विश्राम पाएको भन्दै चन्दले केल्मीलाई धन्यवाद दिनुभयो ।
केल्मीका कन्ट्री डिरेक्टर प्रदीप न्यौपानेले भलिबल संघसँग औपचारिक रूपमा नयाँ सहकार्य गर्न पाउँदा खुशी लागेको बताउनुभयो । यस्तै उहाँले केल्मी र नेपाल भलिबल संघबीचको यो सम्बन्ध आगामी १०-२० वर्षसम्म लम्बिँदै जानेमा आफू विश्वस्त रहेको र यसले भलिबललाई थप व्यावसायिक बनाउनेमा विश्वास व्यक्त गर्नुभयो ।
सम्झौतापछि केल्मीले एक सयवटा नेट र चार सयवटा बल संघलाई प्रदान गर्ने अध्यक्ष चन्दले बताउनुभयो । उक्त खेल सामग्री नेपालको भलिबल विकासमा महत्वपूर्णयोगदान पुर्याउँदै आएका क्लब, प्रदेश र जिल्लालाई प्रदान गरिने चन्दले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच