राजेन्द्र महतो नेतृत्वको प्रदर्शनमा प्रदर्शनकारी र प्रहरीबीच झडप (तस्वीर हेर्नुहोस्)

हिमालय टाइम्स

२४ चैत्र २०८०, शनिबार १५:०७

Read Time = 2 mins

डिजिटल संस्करण

फोटोफिचर

A A- A+

काठमाडौँ । राजेन्द्र महतो नेतृत्वको राष्ट्रिय मुक्ति क्रान्तिको प्रदर्शनका क्रममा प्रहरीसँग झडप भएको छ ।

खुलामञ्च जाने भनिएको र्‍याली भद्रकालीबाट निषेधित क्षेत्र रहेको सिंहदरबारतिर जान खोजेपछि प्रहरीले उनीहरूमाथि लाठीचार्ज गरेको हो ।

प्रदर्शनमा उत्रिएका महतो समर्थक भीडले आफूमाथि ढुंगामुढा गरेपछि प्रहरीले प्रतिवाद गरेको थियो । दुई पक्षबीच हानाहानको स्थिति भएपछि आन्दोलनको नेतृत्व गरिरहेका महतोसहित नेता गाडी चढेर भागेका छन् ।

महतो नेतृत्वको अभियानले नेवा: लगायत नेपालका राज्यविहीन राष्ट्रहरूमाथि कायम औपनिवेशिकताको अन्त्य गर्दै नेपा: मण्डल सहित बहुलराष्ट्रिय राज्य नेपाल स्थापना गर्न भन्दै वसन्तपुरमा भेला भई तिं ख्यः(खुल्ला मञ्च)जाने कार्यक्रम तय भएको विज्ञप्ति मार्फत जानकारी गराएकाे थियाे ।