-मन्जिता मैनाली
मकवानपुर । मकवानपुरको बकैयामा भएको दुई दिने स्वास्थ्य शिविरमा १ सय ७१ मिर्गौला रोगीका बिरामी भेटिएका छन् । ती मध्ये ३ जना मिर्गौला फेल भएका बिरामी भेटिएका छन् ।
बकैया गाउँपालिका वडा नम्बर ४, गरगरेमा शुक्रबार र शनिबार भएको नि:शुल्क स्वास्थ्य शिविरमा १ हजार ३ सय जना बिरामीले सेवा लिएका थिए । ति मध्ये १ सय ७१ जना मिर्गौला रोगका बिरामी भेटिएको बिपि चिन्तन प्रतिष्ठान शिविर कार्यक्रम संयोजक ध्रुव पाण्डेले जानकारी दिनुभयो ।
यस्तै, मिर्गौला फेल भएका ३ जना बिरामीलाई काठमाडौंस्थित धर्मभक्त राष्ट्रिय मिर्गौला प्रत्यारोपण केन्द्रमा रिफर गरिएको कार्यक्रम संयोजक पाण्डेले बताउनुभयो।
शिविरमा साढे ७ लाख रुपैयाँ बराबरको औषधि नि:शुल्क वितरण गरिएको र २ लाख रुपैयाँ बराबरको औषधि स्थानीय अस्पताललाई सहयोग गरिएको पनि उहाँले बताउनुभयो। बिरामीको अवस्था हेरेर एक महिनासम्मको औषधि समेत दिइएको उहाँले बताउनुभयो ।
बिपि चिन्तन प्रतिष्ठानले आयोजना गरेको उक्त शिविरको बकैया गाउँपालिका स्थानीय आयोजक रहेको थियो।
शिविरमा ९ जना विशेषज्ञ डाक्टरहरुद्वारा सबै किसिमका रोगको उपचार गरिएको थियो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच