काठमाडौं । चलचित्र ‘बोक्सीको घर’को ट्रेलर सार्वजनिक गरिएको छ । काठमाडौंमा एक कार्यक्रमबीच साढे दुई मिनेट लम्बाइको ट्रेलर सार्वजनिक गरिएको होे । सार्वजनिक ट्रेलरमा बोक्सीको आरोप लगाइएकी एक महिला पात्रलाई पछ्याउँछ, जसमा अभिनेत्री केकी अधिकारी प्रस्तुत हुनुहुन्छ ।
समाजमा ‘बोक्सी’ हुन्छन् भन्ने अन्धविश्वास ट्रेलरमा समावेश छ । कथित बोक्सीका नाममा हुने गरेका अन्याय, अत्याचारका विषय मिडियाले उठाउँदा उठाउँदै पनि यो अन्धविश्वास रहेको र यसकै कारण महिला पीडित भइरहेको कथा सार्वजनिक ट्रेलरमा देखिन्छ ।
समाजले कसरी बोक्सीको आरोप लगाएर मानसिक रूपमा विक्षिप्त हुने अवस्थामा पुर्याइरहेको छ भन्ने पक्ष ट्रेलरमा देख्न सकिन्छ ।
आगामी वैशाख १४ गतेदेखि सिनेमाघरमा आउन लागेको चलचित्रमा सुलक्षण भारतीको लेखन तथा निर्देशन छ । उहाँ स्वयं चलचित्रमा केकीको श्रीमान्को भूमिकामा प्रस्तुत हुनुहुन्छ । रमा थपलिया, सुपला सापकोटा, श्वेच्छा राउत, सुष्मा निरौला, सविन बास्तोलालगायतको पनि अभिनय रहेको चलचित्रमा केकीका बाबु तथा निर्देशक बद्री अधिकारी निर्माता र राज घिमिरे कार्यकारी निर्माता हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच