काठमाडौं । युवा तथा खेलकुदमन्त्री विराजभक्त श्रेष्ठले स्वस्थ जीवन शैलीका लागि नियमित शारीरिक व्यायाम गर्न आग्रह गर्नुभएको छ । मंगलबार काठमाडौंमा आयोजित एक कार्यक्रममा आफ्ना भनाइ राख्दै उहाँले नियमित व्यायामबाट शारीरिक एवं मानसिक स्वास्थ्य कायम राख्न सहज हुने बताउनुभएको हो । मन्त्री श्रेष्ठले भन्नुभयो, ‘आफ्नो शरीरका लागि केही समय छुट्याउनुभयो भने यसले स्वस्थ बनाउँछ । यसले हाम्रो स्वास्थ्य समस्यामात्र नभई मानसिक समस्या पनि कम गर्न मद्दत गर्छ । त्यसकारण व्यायाम गर्न अल्छी नगरौँ । साथै यस्ता जिम क्लबले खेलाडी लक्षित प्याकेजहरू बनाउनुपर्छ, यसले सामाजिक उत्तरदायित्व बहन गराउँछ ।’ त्यस अवसरमा मन्त्री श्रेष्ठसँगै राष्ट्रिय स्वतन्त्र पार्टीका सांसद असिम शाह, चलचित्र निर्देशक आशिफ शाहलगायतको उपस्थिति थियो ।
‘जर्सी सार्वजनिक गर्न पाउँदा उत्साह बढेको छ’
आइसिसी ट्वान्टी-२० विश्वकप खेल्ने नेपाली क्रिकेट राष्ट्रिय टोलीको जर्सी सार्वजनिक भएको छ । आगामी जुन १ देखि २९ तारिखसम्म अमेरिका र वेस्टइण्डिजमा संयुक्तरूपमा ट्वान्टी-२० विश्वकप आयोजना हुँदैछ । विश्वकप खेल्ने नेपाली राष्ट्रिय टोलीको जर्सी सार्वजनिक भएको हो । नेपाल क्रिकेट संघ (क्यान) ले आयोजना गरेको कार्यक्रममा युवा तथा खेलकुदमन्त्री विराजभक्त श्रेष्ठ र राष्ट्रिय खेलकुद परिषद् (राखेप) का सदस्य–सचिव टंकलाल घिसिङले नयाँ जर्सी सार्वजनिक गर्नुभएको हो । मन्त्री श्रेष्ठले विश्वकप खेल्न नेपालको जर्सी सार्वजनिक गर्न पाउँदा उत्साह बढेको बताउनुभयो ।
राखेपका सदस्य–सचिव घिसिङले एकै वर्ष नेपालको दुई टोली (नेपालको यू-१९ पुरुष टोलीको विश्वकपमा सहभागिता) ले विश्वकप खेल्नु गौरवपूर्ण अवस्था रहेको उल्लेख गर्दै नेपाली टोलीको सुन्दर जर्सीसँगै प्रदर्शन पनि सुन्दर हुने आशा व्यक्त गर्नुभयो । क्यान सचिव पारस खड्काका अनुसार जर्सी विश्वकपअघि नेपालमा हुने शृंखलाअघि नै प्रयोगमा आउनेछ । केल्मी ब्राण्डको यो जर्सी नेपाली राष्ट्रिय टोलीले घरेलु मैदानमै पहिले प्रयोग गरेरमात्र विश्वकपमा जानेछ ।
सार्वजनिक जर्सी रातो, निलो, हलुका सेतो र पहेँलो रङको रहेको छ । जर्सीको सबैभन्दा माथि चन्द्र र सूर्य छ । सबैभन्दा तल एकसिंगे गैँडा र सगरमाथा छ । बीचको भाग निलो रङको छ । सोही भागमा पहेँलो रङले नेपाल लेखिएको छ । बाहुलाको तल, गलाको माथि, सगरमाथा र गैँडाको रङ रातो रहेको छ । बायाँतर्फ छातीको भागमा क्यानको लोगो छ । पछाडिको अधिकांश भाग निलो र बाँकी रातो रङको छ । जर्सी नम्बर र खेलाडीको नाम पहेँलो रङले लेखिएको छ । आगामी जेठमा अमेरिका र वेस्ट इण्डिजमा हुने आइसिसी टी-२० विश्वकपमा नेपालसहित २० टोलीले सहभागिता जनाउँदैछन् । नेपाल रहेको समूह ‘डी’मा दक्षिण अफ्रिका, श्रीलंका, बंगलादेश र नेदरल्याण्ड्स रहेका छन् ।
बहादुरीलाई इंगित गर्न पहेँलो रङ
जर्सी सार्वजनिक कार्यक्रममा केल्मी नेपालका कार्यकारी निर्देशक उत्तम न्यौपानेले नेपाली टिमको जर्सीमा बहादुरहरूलाई झल्को दिन पहेँलो रङ राखिएको बताउनुभएको छ । न्यौपानेले भन्नुभयो, ‘रातो र निलो राष्ट्रिय झण्डाको प्रतिनिधित्वका लागि राखिएको छ । अन्तर्राष्ट्रिय मान्यतामा पनि बहादुर टिमले पहेँलो रङ राखेको इतिहास देख्यौँ । त्यही भएर हामीले नेपालको जर्सीमा नेपाल र खेलाडीको नाम पहेँलो रङमा राख्यौँ ।’ क्यानका अनुसार नेपालले यो जर्सी वेस्ट इण्डिज ‘ए’ को नेपाल भ्रमण दौरान नै लगाउनेछ । क्यानले सोमबार नै वेस्ट इण्डिजको ‘ए’ टोली पाँच खेलको ट्वान्टी-२० शृंखलाका लागि नेपाल आउने जनाएको थियो ।
जर्सीको झण्डामाथि उठ्यो प्रश्न
नेपाल क्रिकेट संघ (क्यान)ले सोमबार ट्वान्टी-२० विश्वकप-२०२४ का निम्ति राष्ट्रिय टिमको जर्सी सार्वजनिक गरेपश्चात् सामाजिक सञ्जालमा यसबारे विभिन्न टीकाटिप्पणी भएको छ । सार्वजनिकलगत्तै नेपाली क्रिकेटका केही समर्थकले जर्सी अपेक्षाकृत नभएको भन्दै आलोचना गरेका थिए । यसैमध्ये केहीले सो जर्सीको काँधमा रहेको नेपालको राष्ट्रिय झण्डा पनि झुकेको भन्दै क्यान र उत्पादकको आलोचना गरिरहेका छन् ।
त्यसो त क्यानले सार्वजनिक गरेको जर्सीमा ट्वान्टी-२० विश्वकपको लोगो नै राखिएको थिएन । दायाँ भागमा जर्सी उत्पादक केल्मीको लोगो राखिएको थियो । तर, पछि सामाजिक सञ्जालमा जर्सीको डिजिटल प्रतिमामा भने दायाँ भागमा विश्वकपको लोगो राखिएको छ । जर्सी सार्वजनिक गर्ने क्रममा केल्मी नेपालका कार्यकारी निर्देशक प्रदीप न्यौपानेले काँधमा राष्ट्रको जिम्मेवारी छ भन्ने देखाउन नेपालको झण्डा राखेको बताउनुभएको थियो । ‘हाम्रो काँधमा राष्ट्रको झण्डालाई हामीले प्रतिनिधित्व गरिरहेका छौँ, काँधमा जिम्मेवारी छ भन्ने देखाउँछ,’ उहाँले भन्नुभयो । झण्डा झुकाइएको विषयमा भने न्यौपानेले पुरानो जर्सी जसरी नै नयाँमा पनि काँधमा झण्डा राखिएको स्पष्टीकरण दिनुभयो । यसबारे क्यानले भने कुनै प्रतिक्रिया जनाएको छैन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच