काठमाडौं । नेपाल नेत्रज्योति संघको अध्यक्षमा प्राडा चेतराज पन्त निर्वाचित हुनुभएको छ । चितवनमा सम्पन्न २८औँ केन्द्रीय सभा तथा अधिवेशनले पन्तको अध्यक्षतामा आगामी चार वर्षका लागि नयाँ कार्यसमिति चयन गरेको हो । संघको विधानबमोजिम २७ सदस्यीय कार्यसमितिमध्ये एक अध्यक्ष, १२ खुला सदस्य र दुईजना महिला सदस्य गरी १५ सदस्य अधिवेशनमार्फत् निर्विरोध निर्वाचित भएका हुन् ।
सदस्यमा कृष्णकुमार गिरी, चिजकुमार मास्के, दिव्यप्रसाद पन्त, द्रोणप्रसाद गुरागाई, डा. नन्द श्रेष्ठ, नरबहादुर रोकाया, पद्मनारायण चौधरी, विष्णुदत्त जोशी, श्यामकुमार पोखरेल, भरतबहादुर चन्द, भागवत राउत, वरिष्ठ अधिवक्ता हरिप्रसाद शर्मा, मञ्जु कँडेल र प्राडा सविना श्रेष्ठ रहेका छन् । नवनिर्वाचित कार्यसमितिको पहिलो बैंठकले वरिष्ठ उपाध्यक्षमा श्यामकुमार पोखरेल, महासचिवमा भरतबहादुर चन्द र कोषाध्यक्षमा चिजकुमार मास्केलाई चयन गरेको छ ।
संघका सातवटै प्रदेशका प्रदेश सभापति केन्द्रीय कार्यसमितिको पदेन उपाध्यक्ष रहने व्यवस्थाअनुसार कोशी प्रदेश सभापति श्यामसुन्दर उदास, मधेश प्रदेश सभापति रविन्द्रलाल चौधरी, बागमती प्रदेश सभापति ऋषिराम पौडेल, गण्डकी प्रदेश सभापति प्राडा दिलबहादुर क्षेत्री, लुम्बिनी प्रदेश सभापति सागरप्रताप राणा, कर्णाली प्रदेशका सभापति तिलकबहादुर मल्ल र सुदूरपश्चिम प्रदेश सभापति चक्रबहादुर सिंह केन्द्रीय कार्यसमितिको उपाध्यक्षमा चयन भएका छन् । बाँकी सदस्यहरू केन्द्रीय समितिले मनोनीत गर्नेछ । संघअन्तर्गत देशभरमा २८ आँखा अस्पताल, एक सय ५६ आँखा उपचार केन्द्र तथा ४३ जिल्ला शाखा सञ्चालनमा छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच