बैतडी । बैतडीका एक सय २२ वटा सरकारी कार्यालयहरु विद्युतको लाइन काटिने सुचिमा परेका छन् । समयमा विद्युत्काे महसुल नतिर्ने सरकारी कार्यालयहरु लाइन काटिने सुचिमा परेका नेपाल विद्युत प्राधिकरण बैतडी वितरण केन्द्रले जनाएको छ ।
उक्त कार्यालयहरुबाट झन्डै १७ लाख ५१ हजार ९१९ रुपैयाँ असुल गर्न बाँकी रहेको नेपाल विद्युत प्राधिकरण बैतडी वितरण केन्द्रका प्रमुख जनार्दन पौडेलले जानकारी दिनुभयो । विद्यालय, स्वास्थ्य संस्था, वडा कार्यालयलगायत जिल्लाका अन्य सरकारी कार्यालयहरुले समयमा बिद्युत्को महसुल नबुझाउँदा लाइन काटिने सूचिमा राखीएको पौडेलले बताउनुभयो ।
एक हजार रुपियाँभन्दा बढी महसुल बुझाउन बाँकी एक हजार १३ ग्राहक छन् । तीमध्ये १२२ वटा सरकारी कार्यालय र ८९२ अन्य ग्राहक रहेको नेपाल विद्युत् प्राधिकरण बैतडी वितरण केन्द्रले जनाएको छ ।
उहाँले सरकारी कार्यालयबाट १७ लाख ५१ हजार ९१९ रुपैयाँ र अन्य ग्राहकबाट ६५ लाख ९९ हजार ३२२ रुपैयाँ महसुलवापतको रकम असुल गर्न बाँकी रहेको बताउनुभयो ।
सरकारी कार्यालयदेखि सर्वसाधारण ग्राहकबाट करिब एक करोड रुपैयाँ महसुल उठाउन बाँकी रहेकाले बारम्बार ताकेता गर्दा पनि महसुल नबुझाएपछि लाइन काट्ने तयारी भइरहेको वितरण केन्द्र प्रमुख पौडेलले बताउनुभयो ।
चालु आर्थिक वर्षमा विद्युत् महसुलबापतको बक्यौता रकम असुल गर्ने उद्देश्यसहित समयमै महसुल नबुझाउने ग्राहकको लाइन काट्न थालिएको हो ।
तीन महिनासम्म पनि विद्युत् महसुल नबुझाउने ग्राहकको लाइन काट्ने अभियान सुरु गरेर विद्युत् वितरण केन्द्रले साउनदेखि हालसम्म ३४ लाख भन्दा बढी बक्यौता रकम असुल गरिएको वितरण केन्द्रले जनाएको छ ।
सरकारी कार्यालयलगायत अन्य ग्राहकहरुबाट एक करोड भन्दा बढी बक्यौता रकम उठाउन बाँकी रहेको नेपाल विद्युत प्राधिकरण बैतडी बितरण केन्द्र जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच