सिमरा । विभागीय टिम नेपाल एपीएफ क्लब १४औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा शुक्रबार बिहान भएको क्वार्टरफाइनल खेलमा फ्रेण्ड्स क्लबलाई २-० ले पराजित गर्दै एपीएफ अन्तिम चारमा प्रवेश गरेको हो ।
एपीएफको जीतमा बुद्धिमान राईले एक गोल गर्नुभयो भने अर्को गोल अनन्त तामाङबाट आत्मघाती हुन पुग्यो । हावाहुरीका कारण बिहीबार राति ५८औं मिनेटमा स्थगित भएको खेल बिहान सोही समयबाट खेलाइएको थियो । खेलको ७३औं मिनेटमा बुद्धिमान राईले एपीएफलाई अग्रता दिलाउनु भएको थियो । अनिश महर्जनको क्रस बललाई सदुपयोग गर्दै बुद्धिमानले सुन्दर गोल गर्नुभएको थियो । त्यसलगत्तै एपिएफले अर्को गोल गर्दै अग्रता दोब्बर पार्यो । खेलको ७५औं मिनेटमा प्रदीप तामाङको क्रस बललाई अनन्तले क्लियर गर्न खोज्दा गोल हुन पुगेको थियो । लगातार दुई गोल खान पुगेको फ्रेण्ड्स अन्तिम समयमा दबाबमा देखियो । उसले खासै अवसर सिर्जना गर्न सकेन ।
एपीएफको जितमा उत्कृष्ट प्रदर्शन गर्नुभएका बुद्धिमान प्लेयर अफ दि म्याच घोषित हुनुभयो । उनहाँले शुभारम्भ कलेजले प्रायोजन गरेको १० हजार राशिको प्लेयर अफ दि म्याचको पुरस्कार हात पार्नुभयो । एपीएफको जितसँगै जीतपुरसिमरा गोल्डकपको सेमिफाइनल समीकरण पूरा भएको छ । एपीएफले अब फाइनल प्रवेशका लागि शनिबार नेपाल पुलिस क्लबसँग खेल्नेछ ।
मछिन्द्रले त्रिभुवन आर्मी क्लब र सलहेशले साविक विजेता चर्च ब्वाइज युनाइटेडलाई पराजित गर्दै सेमिफाइनलको यात्रा तय गरेका थिए । जीतपुरसिमरा उपमहानगरपालिकाको मुख्य सहयोग र जगदम्बा स्टिल्स् प्रालिको टाइटर स्पन्सरमा आयोजित प्रतियोगिताको विजेताले १० लाख र उपविजेताले पाँच लाख नगद प्राप्त गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच