नयाँदिल्ली । इण्डियन प्रिमियर लिग (आइपिएल)को सबैभन्दा ठूलो प्रतिद्वन्द्वी मुम्बई इण्डियन्सभन्दा चेन्नई सुपर किंग्स फेरि एकपटक उत्कृष्ट साबित भएको छ । चेन्नईले मुम्बईलाई २० रनले पराजित गरेको हो । २०७ रनको लक्ष्यको पछ्याएको मुम्बईले रोहित शर्माको नटआउट शतकका बाबजुद २० ओभरमा ६ विकेटको क्षतिमा १८६ रनमात्र बनाउन सक्यो । मुम्बईका लागि इशान किसनले २३, टिम डेभिडले १३ बनाउनुभयो । चेन्नईका मथिशा पाथिरानाले एकै ओभरमा मुम्बईका इशान किशन र सूर्यकुमार यादवको विकेट लिएर मुम्बईलाई ठूलो झट्का दिनुभयो । त्यसअघि मुम्बईले राम्रो सुरुवात गरेको थियो । त्यसपछि मुम्बईले रिकभर गर्न सकेन । रोहित शर्माले अविजित (१०६) शतक बनाए पनि त्यो जितका लागि पर्याप्त भएन । पाथिरानाले उत्कृष्ट बलिङ गर्दै चार ओभरमा २८ रन दिएर चार विकेट लिनुभयो । उहाँ खेलको प्लेयर अफ द म्याच बन्नुभयो ।
यसअघि पहिले ब्याटिङ गरेको चेन्नईले २०६ रन बनाएको थियो । जसमा महेन्द्र सिंह धोनीको २० रन महत्वपूर्ण रहृयो । धोनी खेल्न आउँदा चार बलमात्र बाँकी थियो र चेन्नईलाई २०० रनमा पुग्न गाह्रो थियो । तर, धोनी आउनेबित्तिकै उहाँले हार्दिक पाण्ड्याको बलमा लगातार तीन बलमा छक्का हानेर खेलको नक्सा नै बदलिदिनुभयो । ५०० को स्ट्राइक रेटमा खेल्दै उहाँले चार बलमा २० रन बनाउनुभयो । धोनीका यी २० रन नै जित र हारको मुख्य भिन्नता बने ।
धोनीको २० रनले रोहितको अविजित शतकलाई पनि छायाँमा पारिदिए । रोहित शर्माले उत्कृष्ट ब्याटिङ प्रदर्शन गर्नुभयो । मध्य ओभरमा मुम्बई इण्डियन्सको अर्को छेउबाट लगातार विकेट गुमाउने क्रममा टोली रनरेटको दबाबमा फसेको थियो र जसका कारण हार बेहोर्नुपरेको थियो । रोहित शर्माले आफ्नो ६३ बलमा ११ चौका र पाँच छक्कासहित १०५ रन बनाउनुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच