![बुटवलमा अंग्रेज हराएको खुशीयालीमा मनाइयो विजय उत्सव](https://ehimalayatimes.com/wp-content/uploads/2024/04/angrej-lumbini.jpg)
नेपाली समाजको यथार्थ कथा समेटिएको चलचित्र ‘नदेखिएको जात’ निर्माण भएको छ । अन्तरजातीय विवाहसम्बन्धी मार्मिक र चेतनामूलक चलचित्र ‘नदेखिएको जात’ निर्माण तथा निर्देशन वेदप्रसाद भुर्तेलले गर्नुभएको हो । ‘संजोग, कुर्वान, इन्काउण्टर, अफिसर’ लगायतका चलचित्र उहाँले यसअघि निर्देशन गर्नुभएको थियो । निर्देशक वेदप्रसाद भुर्तेलसँग हिमालय टाइम्सका लागि गीता अधिकारीले गर्नुभएको संवादको संक्षिप्त अंशः-
यहाँले निर्माण निर्देशन गर्नुभएको चलचित्र ‘नदेखिएको जात’ले के सन्देश दिन खोजेको छ ?
मैले निर्माण र निर्देशन गरेको चलचित्र नदेखिएको जात जातीय विभेदभित्रको पे्रमकथा हो । जातीय विभेद अन्त्य गर्नका लागि चाहिने हतियार भनेकै प्रेम हो । विभिन्न समुदाय र संस्थाहरूले जातीय विभेद अन्त्य गर्ने नाममा अझै जातीय विभेद बढाइरहेका छन् । हामीले यो जातीय विभेद अन्त्य गर्नका लागि पानीमात्र चलाउने होइन । दुई समुदायवीच बिहाबारी पनि चलाउनुपर्छ । अनिमात्र जातीय विभेद अन्त्य हुन सक्छ । नेपालमा विद्यमान जातीय विभेद पूर्णरूपमा अन्त्य गर्न भने सकिँदैन भन्ने सन्देश दिन खोजेका छौँ ।
अहिले कलाकार प्राविधिक सबैको पारिश्रमिक उच्च दरमा बढ्दै गइरहेको छ र चलचित्रको व्यापार पनि बढ्दै गइरहेको छ । अबका दिनमा नेपाली चलचित्र पूर्ण व्यावसायिक हुन सक्छ भन्ने बुझेर हामीले चलचित्र निर्माण गरेका हौँ । चलचित्र ‘नदेखिएको जात’लाई सिधै हलमा लैजानुभन्दा पनि देशैभरि विशेष प्रदर्शन गर्ने सोचमा छौँ ।
यो चलचित्र निर्माण गर्ने सोच कसरी आयो ?
मैले योभन्दा पहिले चार, पाँचवटा चलचित्रको काम गरिसकेको थिए । जब मेरो अन्तरजातीय विवाह भयो समाजले हेर्ने दृष्टिकोण नै फरक पाएँ । त्यतिबेलादेखि नै अनेकौं हण्डरहरू झेल्दै र संघर्ष गर्दै जाँदा यही विषयमा एउटा सन्देशमूलक चलचित्र किन नबनाउने भन्ने सोच मनमा आयो । चलचित्र बनाउने भनेरमात्र पनि भएन आर्थिक र अन्य विविध कुराको जोरजाम गर्नु अर्को चुनौतीको कुरा थियो । चिनजानकाहरूसँग ऋणपान गरेर नदेखिएको जात निर्माण त भयो, प्रदर्शन गर्न सकिरहेको छैन ।
‘नदेखिएको जात’ले व्यावसायिक सफलता पाउला त ?
अहिले कलाकार प्राविधिक सबैको पारिश्रमिक उच्च दरमा बढ्दै गइरहेको छ र चलचित्रको व्यापार पनि बढ्दै गइरहेको छ । अबका दिनमा नेपाली चलचित्र पूर्ण व्यावसायिक हुन सक्छ भन्ने बुझेर निर्माण गरेका हौँ । नदेखिएको जातलाई सिधै हलमा लैजानुभन्दा पनि देशैभरि विशेष प्रदर्शन गर्न सकियो भने व्यावसायिक सफलता पाउन सहज हुन्थ्यो ।
यो क्षेत्रमा कहिलेदेखि प्रवेश गर्नुभएको हो ?
स्कुले जीवनमा नै नाटकमा अभिनय र निर्देशन गरेर अगाडि बढेको हुँ । त्यसपछि भिडियो फिल्म हुँदै फिचर्स फिल्मसम्म आइपुगेको छु ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच