![‘चोभार ब्लुज’ भित्रका विक्रमभक्त जोशी](https://ehimalayatimes.com/wp-content/uploads/2024/04/Khemnath-Dahal-Chobhar-Blues.jpg)
मन मूर्छना मुकुन्द पौडेलको नवीनतम पुस्तक हो । यो पुस्तक हालैमात्र सार्वजनिक भएको छ । यो मुक्तकसङ्ग्रह हो । पौडेल मुक्तकमै रमाउँदै आउनुभएको स्रष्टा हुनुहुन्छ । यसअघि पनि उहाँका केही मुक्तकसङ्ग्रहहरू प्रकाशित भइसकेका छन् । यस पुस्तकको प्रकाशक आवरण प्रकाशक रहको छ भने यसको सर्वाधिकार मुक्तककारमै रहेको छ । भूमिका खण्डमा १६ र पाठ्यखण्डमा ११६ गरी १३२ पृष्ठको पुस्तकको मूल्य ३०० रुपैयाँ छ । पुस्तकमा पहेंलो हलुका कागजको प्रयोग भएको छ । डिएमआई साइजको आवरण प्रसिद्ध कलाकार रमेश पौडेलले तयार पार्नुभएको छ । आवरण आकर्षक छ ।
प्रकृति चित्रण, सामाजिकता, व्यङ्ग्य, विद्रोह, विकृति र विसङ्गतिको उजागर, राजनीतिप्रतिको वितृष्णा, प्रेम र प्रणय, राष्ट्र र राष्ट्रियताजस्ता कुरालाई विषय बनाएर यस पुस्तकका मुक्तहरू लेखिएका छन् । मुक्तक सरल र मीठासपूर्ण पनि छन् ।
अमूर्त कलामा तयार पारिएको यस आवरणमा एकजना स्त्रीको अमूर्त चित्र छ । माथि मुक्तककार पौडेलको नाम छ । सँगै ठूला अक्षरमा पुस्तकको शीर्षक ‘मन मूर्छना’ दिइएको छ । पृष्ठ आवरणमा मुक्तककारको फोटोसहितको सानो चिनारी दिइएको छ । जसनुसार पौडेलको जन्म रिस्ती बाहुनपोखरा तनहुँमा भएको र पछि रत्ननगर १३ चितौनमा बसाइँ सरेर बस्नुभएको भए पनि हाल जरङ्कु, काठमाडौंमा बस्तै आउनुभएको उल्लेख भएको छ । उहाँका मझधार कवितासङ्ग्रह, मनसिन्धु, मनशिला र मन मूर्छना गरी तीन मुक्तकसङ्ग्रह प्रकाशित भएको जनाइएको छ ।
बीचमा यसै पुस्तकको भूमिका खण्डबाट उद्धृत गरिएको गोविन्दराज विनोदी र रामबाबु घिमिरेका भनाइहरू राख्नुका साथै तल लोगोसहित प्रकाशक संस्था आवरण प्रकाशनको नाम उल्लेख गरिएको छ । यस पुस्तकको लेआउट आवरण डेस्कटपबाट तयार भएको जनाइएको छ । पुस्तक सिद्धकाली अपसेट प्रेस प्रा.लि.पुतली सडक काठमाडौंमा मुद्रण भएको जानकारी पाइन्छ ।
पुस्तकको भूमिका खण्डको सुरुमा कविका पिता-मातामा एउटा मुक्तकद्वारा समर्पण व्यक्त गरिएको छ । केशवराज आमोदीको यस पुस्तकसम्बन्धी ‘मन मूर्छनाको मृदुल मोहमा मुकुन्दको मुक्तकीय मोह’ शीर्षकको लामो भूमिका छ । त्यसपछि मुक्तककार पौडेलको ‘मेरो मन मूर्छना’ लेखकीय विचार व्यक्त भएको छ । यो मुक्तकको पुस्तक भएका कारण यसमा विषयसूची र विभिन्न शीर्षक उपशीर्षक दिइरहनु नपर्ने भएकाले यति भूमिका पछि मुक्तकहरू सुरु हुन्छन् । पुस्तकमा ३४८ वटा मुक्तक सङ्गृहीत छन् ।
मुक्तक साहित्यको एउटा लोकप्रिय विधा हो । छोटो समयमा लेख्न र पढ्न सकिने भएकाले पनि सबैले मन पराएका हुन् । यतिमात्र होइन छोटो र छिटोमा भाव संप्रेषण गर्न वा भाव ग्रहण गर्न सकिने भएका कारण वर्तमान समयमा बढी रुचाइएको छ । चार हरफमा लेखिने मुक्तकको पहिलो दोस्रो र चौथो पाउमा अनुप्रास हुन्छ । तेस्रो पाउ अनुप्रासविहीन बनाइनाले यो मीठासपूर्ण बन्न जाने गर्छ । मुकुन्द पौडेलका यस सङ्ग्रहका मुक्तकहरू विविध विषयलाई समेटेर लेखिएका छन् ।
प्रकृति चित्रण, सामाजिकता, व्यङ्ग्य, विद्रोह, विकृति र विसङ्गतिको उजागर, राजनीतिप्रतिको वितृष्णा, प्रेम र प्रणय, राष्ट्र र राष्ट्रियताजस्ता कुरालाई विषय बनाएर यस पुस्तकका मुक्त लेखिएका छन् । मुक्तक सरल र मीठासपूर्ण पनि छन् । पौडेललाई उहाँको नवीनतम कृतिका लागि बधाई तथा पुस्तकको सफलताको शुभकामना । उहाँका यस्ता अन्य पुस्तकहरू आइरहून् अग्रिम शुभकामना ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच