कैलाली । कैलालीको धनगढीमा नगर प्रहरीलाई उपमहानगरपालिकाले सशक्त बनाउँदै लगेको छ । उपमहानगरले नगरवासीको सुरक्षा र विपदका समयमा गर्नुपर्ने उद्दारलगायत विषयमा आवश्यक तालिम दिन थालेको छ । उपमहानगरपालिकाले नगर प्रहरीलाई भत्केका संरचनामा गरिने खोज तथा उद्दार सम्बन्धी र भवनमा हुने क्षतिको लेखाजोखा सम्बन्धी तालिमसमेत दिइरहेको छ । यस प्रकारको तालिम अहिले जारी छ । यसअघि नगर प्रहरीलाइ सर्प समात्ने तालिम पनि प्रदान गरिएको थियो ।
तालिमपछि दक्ष बनेका नगर प्रहरीले झण्डै चार सयको संख्यामा घरभित्र पसेका सर्प समातेर उद्दार गरेको थियो । त्यस्तै आगलागीबाट बच्न र त्यसका लागि अपनाउनु पर्ने सुरक्षालगायत विषयमा पनि नगरप्रहरीलाई तालिम प्रदान गरिएको छ । नगर प्रहरीलाई आवश्यक स्रोतसाधन समेत उपलब्ध गराएर नगरवासीको सुरक्षा र उद्दारमा खटाउने काम भइरहेको छ ।
अबैध भौतिक संरचना खाली गर्ने देखि सडकमा अलपत्र फेला परेका व्यक्तिको उद्दारमासमेत नगर प्रहरीको भुमिका प्रभावकारी बन्दै गएको छ । नगर प्रहरीले नै धनगढीमा कसैको निधन भए उपमहानगरपालिकाको झण्डा ओडाएर मृत आत्माको सम्मानसहित श्रद्धाजली दिने काम पनि गर्दै आएको छ ।
विपदको समयमा २४ सै घण्टा नगर प्रहरीलाई तयारी अवस्थामा राखिएको छ । साथै उपमहानगरपालिकाले नगरवासीको सेवाका लागि फायर बाइक सेवासमेत यसअघि नै सञ्चालनमा ल्याइसकेको छ । विपद परेको बेलानगर प्रहरीले तत्काल उद्धार गर्न यस्तो सेवा सुरु गरिएको हो ।उपमहानगर भित्रका १९ वडाभित्रै यस्तो सेवाप्रदान गर्ने काम भइरहेको छ ।
कहिँकतै आगलागी भएको बेला साँघुरो सडकमा दमकल नछिर्ने स्थानका लागि घटना भएको स्थानमा तत्काल पुग्न सजिलो होस भनेर उपमहानगरले फायर बाइक सेवा सञ्चालनमा ल्याएको हो । यसका लागि हाल उपमहानगरपालिकाले दुईवटा फायर बायक तयारी अवस्थामा राखेको छ ।
आगलागी भएको खबर पाउने बित्तिकै यो बाइक जान्छ, दमकम भन्दा यो छिटो हुने उपमहानगरपालिकाले जनाएको छ। तत्काल बचाउनु पर्ने कुरालाई यसले बचाउनमा मद्दत गर्छ । आगलागी तथा विपदजन्य जोखिमका बेला फायर बाइक दमकल उपयोगी मानिएको छ । युएनडीपी र उपमहानगरपालिकाको सामान ५०/५० प्रतिशत लगानीमा यस्तो सेवा सञ्चालनमा ल्याइएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच