काठमाडौं । क्रियटिभ वर्ल्ड नेपालको आयोजनामा राइजिङ स्टारको नयाँ संस्करण सम्पन्न भएको छ । राष्ट्रिय नाचघरको प्रेक्षालयमा भएको कार्यक्रममा आठौं संस्कणका सम्पन्न भएको हो । यो वर्ष जुनियर क्याटगोरीबाट एभरेष्ट इंग्लिस स्कुल, भक्तपुरमा कक्षा ५ मा अध्ययनरत नियासा प्रधानाङ्ग र सिनियर क्याटगोरीबाट काठमाडौं ग्लोबल स्कुल, गंगबुमा कक्षा ७ मा अध्ययनरत समिका भट्टराई विजयी बन्न सफल हुनुभएको छ । विजेताद्वयले एक लाख रुपैयाँको चेकसहित अवार्ड, क्राउन र विभिन्न उपहार प्राप्त गरेका छन् ।
फष्ट रनरअपको उपाधि भने जुनियर क्याटगोरीबाट नाइटिंगेल स्कुल, कुपण्डोलमा कक्षा ३ मा अध्ययनरत स्पर्श राई र सिनियरतर्फ आइडियल मोडल स्कुल धोवीघाटमा कक्षा ८ मा अध्ययनरत प्रतीक जोशीले प्राप्त गर्न सफल हुनुभएको छ । स्पर्श राईले मोष्ट ट्यालेण्टेडको अवार्ड पनि हात पार्नुभएको छ ।
सेकेन्ड रनरअपको उपाधि लिन सफल हुनुभएको छ जुनियर क्याटगोरीबाट बेबीलोन नेशनल स्कुल, शान्तिनगरमा कक्षा ४ मा अध्ययनरत शाइस्ता रेग्मी र सिनियर क्याटगोरीबाट काठमाडौं ग्लोबल स्कुल, गंगबुमा कक्षा १० मा अध्ययनरत दीक्षा पाण्डेले ।
प्याब्सन काठमाडौंको सहकार्यमा सम्पन्न भएको प्रतियोगितामा काठमाडौंका विभिन्न स्कुलमा अध्ययन गर्ने कक्षा २ देखि १० सम्मका ७३ जना विद्यार्थी भाइबहिनीले भाग लिएका थिए । उनीहरू विभिन्न चरणको अडिशन राउण्डबाट छनौट भएर अन्तिम प्रतिस्पर्धाका लागि सहभागी भएका थिए । कार्यक्रममा टपथ्रीदेखि टपसेभेनसम्म र विभिन्न विधामा अन्य २४ जनालाई सबटाइटल अवार्ड उपाधि प्रदान गरिएको थियो भने सातजना अभिभावकलाई बेष्ट प्यारेन्ट्स अवार्डबाट सम्मानित गरियो ।
प्रतियोगितामा प्रमुख निर्णायकको रूपमा सांस्कृतिक संस्थानका निवर्तमान महाप्रबन्धक एवं अशोकप्यासी राई र अन्य निर्णायकमा प्याब्सन काठमाडौंका उपाध्यक्ष सूर्य भण्डारीे, राष्ट्रिय बालअधिकार परिषद्का उपाध्यक्ष कवि बम बानियाँ, गायक अशोक मुकारुङ, मिस लिटिल लेडी ९७, मिसटिन २००३ कि विजेता तथा प्रिमियर इन्टरनेशनल आइबी कन्टिनम स्कुलका एकेडेमिक डाइरेक्टर प्रभिना थापा, मिस मंगोल २०२१ की बिजेता अप्रिल्ला घिसिङ, राइजिङ स्टार सिजन-२ का विजेता अनुष्का मानन्धर र राइजिङ स्टार सिजन ५ का बिजेता प्रशुन बडाल रहनुभएको थियो ।
शैक्षिक सत्रको अन्त्यमा हुने लामो बिदाको सदुपयोग गर्दै विद्यार्थी भाइबहिनीमा लुकेर रहेको प्रतिभा, बौद्धिक क्षमता र सुन्दरतालाई राष्ट्रियस्तरको कार्यक्रममार्फत प्रस्तुत गर्ने प्लेटफर्मको रूपमा राइजिङ स्टार कार्यक्रम विगत १० वर्षदेखि आयोजना गरिँदै आएको कार्यक्रमका कार्यकारी व्यवस्थापक प्रतिष्ठित संगीतकार एवं प्राज्ञ श्री शान्तिराम राईले जानकारी गराउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच