काठमाडौं । जेठको १० गतेदेखि सिनेमाघरमा आउने तयारीमा रहेको चलचित्र ‘फर्की फर्की’को शीर्ष गीत सार्वजनिक गरिएको छ । रोमन बज्राचार्य र निकिता थापाको स्वर रहेको यो गीतमा रोमन शब्द तथा संगीत छ । किरण थापाको कोरियोग्राफी, विजेश पौडेलको सम्पादन रहेको चलचित्रको यो गीतमा मुख्य कलाकार नायक अनमोल केसी र नायिका जसिता गुरुङलाई फिचरिङ गरिएको छ ।
सुयोग गुरुङको लेखन तथा निर्देशनमा तयार भएको यो चलचित्रमा रोहित अधिकारी र ओम प्रकाश अग्रवालको लगानी छ । चलचित्रमा मनोज ओली र रामु न्यौपाने सहनिर्माताको रूपमा हुनुहुन्छ भने मोती कार्की र अनिरुद्र गिरी कार्यकारी निर्माताको रूपमा रहनुभएको छ ।
चलचित्रमा अनमोल, जसितासँगै रवि काफ्ले, समृद्धि अर्याल, निर्मल शर्मा, कृष्ण मल्ललगायत कलाकारको अभिनय छ । नरेन्द्र मैनालीको छायांकन रहेको चलचित्रमा सुरेन्द्र पौडेलको सम्पादन छ । रोमन बज्राचार्य र नरेन लिम्बूको संगीत रहेको चलचित्रमा अष्ट महर्जनको एक्सन छ ।
