काठमाडौं । जयकुमार नाथ साह मेमोरियल यू-१६ अन्तरविद्यालय क्रिकेट प्रतियोगिताको छैटौँ दिन सोमबार भएको खेलमा ड्याव स्कुल विजयी भएको छ । मूलपानी क्रिकेट मैदानमा भएको खेलमा ड्याव ५५ रनले विजयी भएको हो ।
पहिले ब्याटिङ गरेको ड्यावले निर्धारित २० ओभरमा ७ विकेट गुमाएर ११७ रन बनाएको थियो । ११८ रनको लक्ष्य पछ्याएको ग्यालेक्सी पब्लिक स्कुलले १७.२ ओभरमा पूरै विकेट गुमाएर मात्र ६२ रन बनायो । ड्याव स्कुलका कमल शाही खेलको म्यान अफ दि म्याच घोषित हुनुभयो ।
यस्तै, सोमबार नै भएको अर्को खेलमा आलोक विद्याश्रमले गेटवे एकेडेमीलाई हराएको छ । आलोकले गेटवेलाई ८ विकेटले हराएको हो । पहिले ब्याटिङ गरेको गेटवे एकेडेमीले १२.२ ओभरमा १० विकेट गुमाएर मात्र ६२ रन बनायो । जवाफी ब्याटिङमा उत्रिएको आलोकले ८.१ ओभरमै २ विकेट गुमाएर लक्ष पूरा गरेको थियो । आलोकका रियान शेर्पा खेलको म्यान अफ दि म्याच घोषित हुनुभयो ।
काठमाडौं जिल्ला क्रिकेट संघको आयोजनामा भइरहेको प्रतियोगितामा १६ टिमबीच प्रतिस्पर्धा भइरहेको छ । सहभागी टिमलाई चार समूहमा विभाजन गरी लिग कम नकआउट आधारमा खेल खेलाइँदैछ । विजेताले एक लाख ५० हजार तथा उपविजेताले ७५ हजार नगद पुरस्कार प्राप्त गर्नेछन् । उत्कृष्ट ब्याट्सम्यान, बलर र उदीयमान खेलाडीलाई जनही पाँच हजार नगद पुरस्कार प्रदान गरिनेछ । सर्वोत्कृष्ट खेलाडीलाई १० हजार नगदसहित गिफ्ट हृयाम्पर दिइनेछ । प्रत्येक खेलको ‘प्लेयर अफ दि म्याच’ ले एक हजार नगदसहित गिफ्ट हृयाम्पर पाउनेछन् ।
मुख्य प्रायोजकमा स्व. जयकुमार नाथ शाहका परिवार छन् । जम्मा २७ खेल हुने प्रतियोगिताका खेलहरू मूलपानीका दुवै क्रिकेट मैदानमा खेलाइँदैछ । वैशाख ३० गतेसम्म चल्ने प्रतियोगिता सञ्चालन गर्न करिब १५ लाख २६ हजार पाँच सय रुपैयाँ खर्च हुने आयोजकको अनुमान छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच