तेहरान । इरानको एक अदालतले टाटालु पनि भनेर चिनिने लोकप्रिय गायक एवं कलाकार अमिर हुसेन मगसौदलुलाई ‘अश्लील सामग्री’ प्रसारित गरेको आरोपमा कारागार सजाय सुनाएको सरकारी सञ्चारमाध्यमले आइतबार बताएको छ ।
छत्तीस वर्षीय संगीतकार मगसौदली गत वर्ष डिसेम्बरमा टर्कीए प्रहरीले इरानलाई सुम्पनुअघि सन् २०१८ देखि भूमिगतरूपमा इस्तानबुलमा बस्दै आउनुभएको थियो । त्यसबेलादेखि उहाँ इरानी हिरासतमा हुनुहुन्छ ।
उहाँका वकिल एल्हम रहिमीफरले विस्तृत जानकारी नदिई टाटालुलाई ‘छोटो र लामो’ कारागार सजाय दिइएको बताउनुभयो । उहाँले सरकारी अखबार जाम-ए-जामलाई सजायविरुद्ध पुनरावेदन गर्न सकिने बताउनुभयो ।
पछि इरानी न्यायपालिकाको मिजान अनलाइन वेबसाइटले टाटालुलाई ‘ईश्वर निन्दा’ का लागि तीन वर्षको कारागार सजाय दिइएको बताएको छ । मिजानले विस्तृत उल्लेख नगरी उनले अन्य आरोपको पनि सामना गर्नुपरेको बताएको छ ।
इरानको कानुनअन्तर्गत कारागार सजाय एकैसाथ चल्छ । टाटालुविरुद्ध मार्चमा ‘वेश्यावृत्ति’ लाई बढावा दिएको र इरान तथा अन्य ‘अश्लील सामग्री’ विरुद्ध ‘प्रचार’ फैलाएको आरोपमा मार्चमा मुद्दा सुरु भएको थियो ।
¥याप, पप र आर एण्ड बिको संयोजनका लागि परिचित अत्यन्त धेरै ट्याटु लगाउनुभएका गायक टाटालुलाई यसअघि रूढिवादी राजनीतिज्ञहरूले युवा, उदार विचारधारा भएका इरानीहरूसम्म पुग्ने तरिकाका रूपमा प्रस्तुत गर्नुभएके थियो । यहाँसम्म कि उहाँले सन् २०१७ मा अति-रूढिवादी तथा हालका इरानका राष्ट्रपति इब्राहिम रायसीसँग एउटा अप्ठ्यारो टेलिभिजन बैठक पनि गर्नुभएको थियो ।
तेहरान र विश्व शक्तिहरूबीच ऐतिहासिक आणविक सम्झौता नसुल्झिरहेका बेला सन् २०१५ मा टाटालुले इरानको आणविक कार्यक्रमको समर्थनमा एक गीत प्रकाशित गर्नुभएको थियो । रासस/एएफपी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच