सांसद सुवालले खुलाए तटस्थ बस्नुको कारण

हिमालय टाइम्स

७ जेठ २०८१, सोमबार १७:२९

Read Time = 3 mins

डिजिटल संस्करण

राजनीति

A A- A+

काठमाडौं । नेपाल मजदुर किसान पार्टीका सांसद प्रेम सुवालले प्रतिनिधि सभामा भइरहेको गतिविधिलाई सत्ताको भागबण्डाको झगडा भएको टिप्पणी गर्नुभएको ।

सोमवार प्रतिनिधि सभा बैठकपछि सञ्चारकर्मीहरुसँग कुराकानी गर्दै उहाँले प्रतिनिधि सभामा भइरहेको गतिविधिहरु पुँजिवादी पार्टीहरुको सत्ताको भागबण्डाको झगडा भएको टिप्पणी गर्नुभएको हो । विगतमा प्रधानमन्त्री पुष्पकमल दाहाललाई सबैले विश्वासको मत दिएका भन्दै अहिले केही विषयमा झगडा भएका कारण विश्वासको मत नदिएका बताउनु भयो । उहाँले विश्वासको मतको पक्ष वा विपक्षमा बस्दा साक्षि बसेको जस्तो हुने भएकाले मत नै नदिएको बताउनु भयो । उहाँले दुवै पक्ष ठिक नभएकाले आफू तटस्थ बसेको बताउनु भयो । उहाँले प्रमुख प्रतिपक्ष दलले नाराबाजी गर्दा संसदको कारबाही रोक्नु राम्रो हुने धारणा राख्नुभयो ।

उहाँले भन्नुभयो – ‘पुँजिवादी पार्टीहरुको सत्ताको भागबन्डाको झगडा हो । देश र जनताको लागि होइन । पुष्पकमल दाहालले पहिलोचोटी विश्वासको मत दिदाँ एमाले, कांग्रेस सबै मिलेर दिएकै हो । अहिले के विषयमा झगडा भयो । भोलि कुन दिन मिल्छ ? त्यसैले हामी हिजो पनि मत दिन्न । आज पनि मत दिन्न । भर नै छैन पुँजिवादी पार्टीहरुको । हुन्न र हुन्छमा गएपछि त साक्षि बसेको जस्तो हुन्छ । दिन्न भनेपछि तिमीहरु दुवै ठिक छैनौँ । उम्मेदवार नै ठिक छैन भनेको हो त्यो । प्रमुख विपक्षीले आवाज उठाइरहँदा संसदको कारबाही रोकेर जानु राम्रो हो । पहिला पनि यस्तो धेरै भइसकेको भन्ने नजिर भएको हुनाले नेपालमा संसदीय व्यवस्था पुँजिवादी व्यवस्था नै हो । खसिको टाउको देखाएर कुकुरको मासु बेच्ने भनेजस्तो भइरहेको लाग्यो । यसले देश र जनताको लागि हित गर्दैन ।’

सांसद सुवालले विश्वासको मतको पक्षमा मतदान गर्न पहिले पहिले आफूलाई प्रश्ताव गरिने गरेको भएपनि पछिल्लो समय प्रश्ताव समेत आउन छाडेको बताउनु भयो ।

सरोकार

यो खबर पढेर तपाईलाई कस्तो महसुस भयो ?