-होमनाथ सापकोटा
चितवन । चितवनमा निकुञ्जबाट मानव बस्तीमा प्रवेश गरेको बाघ गयराती नियन्त्रणमा लिइएको छ ।
पश्चिम चितवनको मेघौली क्षेत्रमा विगत केही दिन देखि चितवन राष्ट्रिय निकुञ्जबाट निस्किएर घर पालुवा जनावरलाई आक्रमण गर्ने गरेको बाघलाई मंगलबार नियन्त्रणमा लिइएको छ ।
चितवन राष्ट्रिय निकुञ्जबाट खटिएको बाघ नियन्त्रक प्राविधिकहरूको टोलीले बाघलाई पछ्याउदै जाँदा मकैबारीमा लुकेको अवस्थामा राती डार्ट गरी नियन्त्रणमा लिइएको हो । सो बाघलाई अहिले कसरा स्थित खोरमा राखिएको छ ।
बाघले विगत तीन दिनको अन्तरालमा भरतपुर २८ को सानो भरतपुर गाउँ र अन्द्रौलीमा गरी ६ वटा बाख्रा मारेको राप्ती नियन्त्रण मध्यवर्ती सामुदायिक वन उपभोक्ता समुहका अध्यक्ष विशाल कुमालले जानकारी दिनुभयो ।
तीन दिनको अथक प्रयास पछि भरतपुर-२८ अन्द्रौली र गोलाघाट गाउँमा पोथी बाघ नियन्त्रण गर्न सफल भएको उहाँले बताउनु भयो ।
निकुञ्जका पशु चिकित्सक डा विजय श्रेष्ठका अनुसार नियन्त्रणमा लिइएको बाघ साढे दुई वर्षको हो । डा श्रेष्ठले आमाबाट छुट्टिने बेलामा ठुला जनावर आक्रमण गर्न नसक्दा सो बाघ मानव बस्तीमा प्रवेश गरि आतङ्क मच्चाउदै आएको उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच