काठमाडौं । लक्ष्मी सनराइज बैंकको अगुवाइमा सहवित्तीयकरणमा सहभागी बैंक र सुपर बागमती हाइड्रोपावरबीच उक्त कम्पनीले ललितपुर र मकवानपुरस्थित बागमती नदीमा निर्माण गर्ने ४१.३१४ मेगावाटको सुपर तल्लो बागमती जलविद्युत् आयोजनामा लगानी गर्ने सम्झौता भएको छ ।
आयोजनाको कुल लागत ९.२८ अर्ब रहेको छ । सुपर बागमती हाइड्रोपावरले २०७८ माघ १२ गते विद्युत् विकास विभागबाट आयोजना निर्माणका लागि विद्युत् उत्पादन अनुमतिपत्र लिई २०८० असार २५ मा नेपाल विद्युत् प्राधिकरणसँग विद्युत् खरिदबिक्री सम्झौता(पिपिए) समेत गरिसकेको छ । कम्पनीको प्रवद्र्धकमा एसियन लाइफ इन्स्योरेन्स कम्पनी र एएनके कन्स्ट्रक्सन रहेका छन् ।
परियोजना निर्माणका लागि लक्ष्मी सनराइज बैंकको नेतृत्वमा सहवित्तीयकरणमा सहभागी बैंकले परियोजना लागतको ७४.३३ प्रतिशत लगानी गर्ने प्रतिबद्धता जनाएका छन् भने बाँकी २५.६७ प्रतिशत रकम प्रवद्र्धक संस्थापकको लगानी रहनेछ ।
परियोजनामा लक्ष्मी सनराइज बैंकको कर्जा प्रतिबद्धता ३.४ अर्ब रहेको छ भने सहवित्तीयकरणमा सहभागी अन्य बैंकमध्ये सहअगुवा एभरेष्ट बैंकको २.५ अर्ब तथा सिटिजन्स बैंकको एक अर्ब लगानी रहेको छ । आयोजना निर्माण सम्पन्न भई विद्युत् उत्पादनपछि वार्षिक करिब २४३.८ गिगावाट आवर विद्युत् राष्ट्रिय प्रसारण लाइनमा जडान हुनुका साथै स्वतन्त्र ऊर्जा उत्पादकमध्येको ठूलो परियोजनाका रूपमा रहने विश्वास लिइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच