काठमाडौं । सिटिजन लाइफ इन्स्योरेन्स कम्पनीले इ-नेबल नेपाललाई चार लाख रुपैयाँ सहयोग प्रदान गरेको छ । कृत्रिम हात उत्पादन गरी जन्मजात अथवा विभिन्न कारणले हात गुमाएका बालबालिकालाई सहयोग गर्न सिटिजन लाइफले इ-नेबल नेपाललाई उक्त सहयोग रकम प्रदान गरेको हो ।
कम्पनीका प्रमुख कार्यकारी अधिकृत पोषकराज पौडेल र प्रमुख बजार व्यवस्थापन अधिकृत भुषण रिमालले इ-नेबल नेपालका अध्यक्ष सुरेन्द्र श्रेष्ठ र महासचिव दिनेशराज भण्डारीलाई चेक हस्तान्तरण गर्नुभएको थियो । इ-नेबल नेपालका अध्यक्ष श्रेष्ठले भन्नुभयो, ‘अपांगताका कारण कुनै पनि बालबालिकाले समाजबाट भेदभाव भोग्नुनपरोस् र एक सामान्य व्यक्तिसरह विभिन्न काम गर्न सक्षम भई समाजमा समानरूपमा स्थापित गराउने इ-नेबल नेपालको यस पवित्र उद्देश्यमा साथ दिनुहुन सम्पूर्ण शुभचिन्तकमा आहृवान गर्छौँ ।’
सन् २०१८ सालमा स्थापना भएको इ-नेबल नेपालले विगत छ वर्षदेखि थ्रिडी प्रिन्ट मेसिन प्रयोग गरी कार्यात्मक कृत्रिम हात उत्पादन गर्दै समाजमा रहेका आर्थिकरूपमा कमजोर अपांग बालबालिकालाई निःशुल्करूपमा वितरण गर्दै आएको छ । उक्त संस्था सयभन्दा बढी देशमा कार्यरत रहेको बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच