![अर्थमन्त्रीले केही व्यापारीको इन्ट्रेस्टमा बजेट बनाएकाे डा. अमरेशकुमार सिंहको आरोप](https://ehimalayatimes.com/wp-content/uploads/2024/06/Amresh-Kumar-Singh-1.jpg)
-पुरन साह
जनकपुरधाम । नेपाली कांग्रेसका पुर्व उपसभापति तथा पुर्वउपप्रधानमन्त्री तथा गृहमन्त्री विमलेन्द्र निधीले कान्तिपुर मिडिया ग्रुपका अध्यक्ष कैलाश सिरोहियाको गिरफ्तारी प्रतिशाेधपूर्ण रहेको बताउनु भएको छ । सिरोहियाको गिरफ्तारी बारे बुझ्न र उहाँसँग भेट गर्न जनकपुरधाम आउनु भएका निधिले जनकपुरधाम विमानस्थल र जिल्ला प्रहरी कार्यालय धनुषामा बोल्दै प्रतिशाेध साध्न हुने गिरफ्तारी उचित नभएको बताउनु भयो ।
उहाँको घर अगाडिकै छिमेकीसमेत रहेको सिरोहियाका तीन पुस्ताबारे जानकारी गराउँदै नीधिले जनकपुरधामको आधुनिक विकासमा सिरोहिकाका परिवारले सामाजिक अगुवाहरुसँगै निभाएको भुमिकाको जिकिर गर्दै सिरोहिकाको नागरिकता किर्ते नभएको ठोकुवा पनि गर्नुभयो। जनकपुरधाम विमानस्थलबाट सिधै जिल्ला प्रहरी कार्यालय धनुषा पुगेका निधि नेपाली कांग्रेस नियोजित गिरफतारीका विरुद्व देशव्यापी आन्दोलन गर्न लागेको बताउँदै सडकमा आउन धनुषाका नेता कार्यक्रताहरुलाई अपिल समेत गर्नुभयो ।
देशको प्रजातन्त्र, लोकतन्त्र र गणतन्त्र तथा संघियताको आन्दोलनमा अग्रनी भुमिका निभाएको कान्तिपुर मिडियाले स्वतन्त्र रुपमा समाचार सम्प्रेशन गर्दा त्यो आफु लक्षित भन्दै गृहमन्त्री रवि लामिछानेले नियोजित रुपमा सिरोहियालाई गिरफ्तार गर्न लगाएको भन्दै देशभरीमै कांग्रेस आन्दोलनमा जाने निर्णय समेत गरिसकेको छ ।
सिरोहिया नेपालका एक बोनाफाइट सिटिजन रहेको उहाँले जिकिर गर्नुभयो । दुईवटा नागरिकता लिएको प्रकरणमा गृहमन्त्री रवि लामिछानेलाई किन पक्राउ गरिएन ? भनेर प्रश्न गर्दै उहाँले प्रतिसोध साध्न पक्राउ गर्नु दुःखद भएको बताउनु भयो । सरकार आफैँ न्यायाधीश हुन नसक्ने भन्दै उहाँले कान्तिपुरले समाचार लेखेकै निहुँमा पक्राउ गर्नु लोकतन्त्र प्रतिको प्रहार रहेको बताउनु भयो ।
एक फरक प्रसंगमा उहाँले बजेट ल्याउनका लागि सदन कसरी सुचारु गर्ने भन्ने विषय सरकारको रहेकाले सरकारसँग सोध्न आग्रह गर्नुभयो । उहाँले अहिले नेपाली कांग्रेस नै मुखर भएर जनता र सहकारी पीडितको कुरा उठाईरहेको भन्दै कांग्रेसलाई सत्तासँग जोडेर मात्र हेर्न नहुने बताउनु भयो । सरकार अधिनायकवाद, सत्ता र राज्य कब्जाको नीतिमा अगाडि बढेको उहाँको आरोप थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच