खाँदबारी । संखुवासभाको सदरमुकाम खाँदबारीमा कोशी प्रदेशस्तरीय ब्याडमिन्टन प्रतियोगिता हुने भएको छ । ‘स्वास्थ्यका लागि खेलकुद, राष्ट्रका लागि खेलकुद’ भन्ने नाराका साथ प्रदेशस्तरीय खुला पुरुष ब्याडमिन्टन प्रतियोगिता हुने भएको हो ।
जिल्ला ब्याडमिन्टन संघले खाँदबारीमा पत्रकार सम्मेलन गरी प्रदेशस्तरीय पुरुष डबल र भेट्रान्स ब्याडमिन्टन प्रतियोगिता हुने जानकारी दिएको हो ।
प्रतियोगिता यही असार ६ देखि ८ गतेसम्म हुने जिल्ला ब्याडमिन्टन संघका अध्यक्ष राजु श्रेष्ठले जानकारी दिनुभयो । प्रतियोगितामा प्रथम हुने पुरुष डबलतर्फ ६०/६० हजार रुपैयाँ मेडल र प्रमाणपत्र, दोस्रो हुनेलाई ३५/३५ हजार रुपैयाँ मेडल र प्रमाणपत्र तथा तेस्रो हुनेलाई १०/१० हजार रुपैयाँ मेडल र प्रमाणपत्र प्रदान गरिने आयोजकले जनाएको छ ।
यस्तै, भेट्रान्सतर्फ प्रथम हुनेलाई ५०/५० हजार, मेडल र प्रमाणपत्र, दोस्रो हुनेलाई ३०/३० हजार, मेडल र प्रमाणपत्र तथा तेस्रो हुनेलाई ३० हजार ५०० रुपैयाँ, मेडल र प्रमाणपत्र प्रदान गरिने अध्यक्ष श्रेष्ठले जानकारी दिनुभयो । ब्याडमिन्टन प्रतियोगिता खाँदबारी–१ घिमिरे गाउँस्थित सोमनाथ घिमिरे मेमोरियल इन्डो स्टेडियममा हुने जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच