काठमाडौं । वाणिज्य बैंकहरूले असारमा पनि ब्याजदर घटाएका छन् । शुक्रबार सार्वजनिक भएको असार महिनाका लागि कायम ब्याजदर अधिकांश वाणिज्य बैंकले घटाएका हुन् । जेठमा वाणिज्य बैंकको मुद्दती निक्षेपमा औसत ब्याजदर ६.९९ प्रतिशत थियो । असारदेखि लागू हुने गरी सार्वजनिक नयाँ ब्याजदरअनुसार ११ बैंकले निक्षेप ब्याजदर घटाएका छन् भने तीन बैंक नबिल बैंक, हिमालयन बैंक, माछापुच्छ्रे बैंकले ब्याजदर बढाएका छन् । छवटा बैंक अर्थात् प्रभु बैंक, कृषि विकास बैंक, नेपाल बैंक, सिद्धार्थ बैंक र स्ट्याण्डर्ड चार्टर्ड र एनआइएमबीले भने ब्याजदर यथावत् राखेका छन् ।
हिमालयन बैंकले जेठको तुलनामा असारमा व्यक्तिगत मुद्दती निक्षेपमा ब्याजदर बढाएर ८.२५ प्रतिशत बनाएको छ । जुन असारका लागि बैंकहरूले मुद्दती निक्षेपमा दिने सर्वाधिक ब्याजदर हो ।
हिमालयन बैंकले जेठको तुलनामा असारमा व्यक्तिगत मुद्दती निक्षेपमा ब्याजदर बढाएर ८.२५ प्रतिशत बनाएको छ । जुन असारका लागि बैंकहरूले व्यक्तिगत मुद्दती निक्षेपमा दिने सर्वाधिक ब्याजदर हो । बैंकहरूले साउनदेखि नै ब्याजदरसम्बन्धी भद्र सहमति छाडेर आवश्यकताअनुसार ब्याजदर घटाउन वा बढाउन पाउने व्यवस्था गरेका थिए ।
नेपाल राष्ट्र बैंकले बैंक तथा वित्तीय संस्थालाई हरेक महिनाको मसान्तभित्रै आगामी महिनाको ब्याजदर सार्वजनिक गर्नुपर्ने व्यवस्था गरेको छ । हरेक महिना नयाँ ब्याजदर तोक्दा अघिल्लो महिनाको ब्याजदरमा १० प्रतिशतसम्म बढाउन वा घटाउन सक्ने सुविधा छ । व्यक्तिगत मुद्दतीभन्दा संस्थागत मुद्दतीमा एक प्रतिशतले मात्रै कम ब्याज दिन पाइने व्यवस्था छ ।
राष्ट्र बैंकले मौद्रिक नीतिको अर्धवार्षिक समीक्षामार्फत् संस्थागत निक्षेपकर्तालाई दुई प्रतिशत कम ब्याज दिनुपर्ने पुरानो व्यवस्थाको सट्टा एक प्रतिशतमात्रै कम ब्याजदर दिन पाउने सुविधा दिएको थियो । राष्ट्र बैंकले व्यक्तिगत मुद्दती निक्षेपको माथिल्लो सीमा र बचतको न्यूनतम ब्याजदरबीचको अन्तर बढीमा पाँच प्रतिशतभन्दा धेरै बनाउन नपाउने व्यवस्था गरेको छ । सोही कारण व्यक्तिगत मुद्दती निक्षेपको अधिकतम् ब्याजदर घट्दा बचत र कुल निक्षेपको ब्याजदर घट्दै जानेछ भने कर्जाको ब्याजदर पनि घट्दै जान्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच