नवलपरासी । आगामी आर्थिक वर्ष २०८१/०८२ देखि घरबाटै व्यावसायिक फर्म दर्ता प्रक्रिया पूरा गर्ने कार्यको व्यवस्था मिलाउने लुम्बिनी प्रदेश सरकारका उद्योग, पर्यटन तथा सहकारी मन्त्री खड्ग बस्नेतले बताउनुभएको छ । सोमबार साना तथा घरेलु कार्यालय प्युठानको आयोजना तथा उद्योग वाणिज्य संघ प्युठानको समन्वयमा भएको स्वदेश उत्पादन अभियानः उद्यमी तथा व्यवसायीबीचको अन्तरक्रियामा उहाँले लामो समयदेखि नवीकरण नभएका फर्म आगामी वर्ष विशेष छुटसहित नवीकरण गर्न सकिने बताउनुभयो ।
मन्त्री बस्नेतले ऐतिहासिक तथा धार्मिक पर्यटनकीय क्षेत्रको विकासमा व्यवसायीले सरकारलाई गालीमात्रै नभई सहकार्य गर्दै उद्योग दर्ता, नवीकरण र प्याकेजिङलाई कानुनी हिसाबले ख्याल गर्नुपर्ने बताउनुभयो । आर्थिक अपचलन गरेका सहकारीलाई कारबाहीको दायरामा ल्याउने र उद्यमशीलतामूलक सहकारीलाई प्रविधि हस्तान्तरण तथा तालिमको व्यवस्था हुने गरी बजेटमा समेटिएको उहाँको भनाइ थियो ।
प्रतिफलसहितको लगानीमा जोड दिँदै मन्त्री बस्नेतले उद्योग कार्यालय जिल्लामै रहेको र आगामी वर्षदेखि पर्यटन र सहकारी हेर्ने कार्यालय प्युठानमै स्थापना गरिने समेत बताउनुभयो ।
उद्योग र सहकारी दर्ता, सञ्चालन र नियमनका लागि कानुन अभाव रहेको माण्डवी गाउँपालिकाका अध्यक्ष नवराज अधिकारीले बताउनुभयो । संघीयताले तीन तहको सरकार बनाए पनि कतिपय कानुन पुराना भएकाले कानुन बनाउने बाटो खोलिदिन प्रदेश सरकारलाई आग्रह पनि गर्नुभयो ।
उद्योगी व्यवसायी निकै समस्यामा भएकाले राहत पुग्ने कार्यक्रम प्रदेश सरकारले ठोसरूपमा अघि बढाउनुपर्ने प्युठान उद्योग वाणिज्य संघका अध्यक्ष पशुपतिनारायण नकर्मीले बताउनुभयो । जिल्लामा बहुउद्देश्यीय प्रदर्शनीस्थल बनाउने योजना संघले अघि बढाएकाले सहकार्यका लागि प्रदेश सरकारलाई उहाँले आग्रह गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच