खाँडाचक्र नगरपालिकाको कार्यालयमा लाग्यो ताला

मान बहादुर बिश्वकर्मा कालिकोट

११ अषाढ २०८१, मङ्गलबार १८:२९

Read Time = 3 mins

डिजिटल संस्करण

कर्णाली प्रदेश

प्रदेश समाचार

A A- A+

कालीकोट । जिल्लाको खाँडाचक्र नगरपालिकाको कार्यालयमा ताला लागेको छ । ब्रह्माकुमारी इश्वरी विश्वविद्यालयको भवन निर्माण कार्यको काम रोक्न लगाएको भन्दै मंगलबार ताला लागेको हो ।

नगरपालिकाले सुरुमा सार्वजनिक जग्गामा विश्वविद्यालयको भवन निमार्णका लागी जग्गा उपलब्ध गराएको तर भवन निमार्ण कार्य सुरु भएर पिल्लर हाल्ने काम सुरु हुन लाग्दा खाँडाचक्र नगरपालिका र वडा नंम्बर १ को कार्यालयबाट काम रोक्न पत्र आएपछि निर्माण कार्य रोकिएको थियो ।

त्यसपछि नगरपािलका र वडा कार्यालयले काम सुरु गर्न आदेश नदिएपछि ब्रह्माकुमारी विश्वविद्यालयले ताला लगाएको हो । सुरुमा भवन निर्माणका लागी जग्गा दिने अहिले आएर डेढ लाखभन्दा बढीको काम भइसक्दा काम रोक्न लगाउने त्यो राम्रो काम नभएको भन्दै काम रोक्ने भएँ अहिलेसम्म भएको खर्च र कामदारको ज्याला उपलब्ध गराइ समस्या समाधान गरिदिन ध्यानाकर्षपत्र सहित नगरपालिकाको गेटमा ताला लगाइएको व्रह्माकुमारी देवीकन्याले जानकारी दिनुभयो ।

नगरपालिकाले यसअघि कार्यपालिकाबाट निणर्य गरेरनै ब्रह्माकुमारी इश्वरीय विश्वविद्यालयलाई १ हजार ४ सय १९ वर्गामिटर जग्गा भवन निर्माणका लागी अनुमति दिएको थियो ।

नगरपालिकाको अनुमती तथा जानकारी पत्रसहित कार्यपालिकाले निर्णय गरेपछि प्रदेश सरकारसँग वजेट माग गरेको र प्रदेश सरकारले भवन निर्माणका लागी २० लाख वजेट विनियोजन गरेको थियो । प्रदेश सरकारबाट बजेट उपलब्ध भएपछि खाँडाचक्र नगरपालिका १ स्थित गुरुकुल स्कुलको शौचालय भत्काएर सार्वजनिक ठाउँमा भवन निर्माण कार्यको थालनि गरिएको थियो ।

यता नगरपालिकाले बिना सहमतिमा आफूखुसी नगरपालिकाको गेटमा लागेको ताला खोलेको छ ।