![ला लिगामा एम्बाप्पेको पहिलो गोल, रियल म्याड्रिड विजयी](https://ehimalayatimes.com/wp-content/uploads/2024/09/Real-madric-Ambabpe.jpg)
काठमाडौं । राष्ट्रिय स्वतन्त्र पार्टीबाट उपसभामुख बन्नुभएकी इन्दिरा रानाले नेपालस्थित अमेरिकी दूतावासलाई लेखेको पत्रका कारण उहाँ विवादमा पर्नुभएको छ ।
केही युवालाई भिसा दिलाउन भन्दै उपसभामुख रानाले आफ्नो कार्यालयको लेटरहेडमा सिफारिस गरेको पत्र बाहिरिएको छ ।
सो पत्र बाहिरिएपछि सत्तारुढ दल नेपाली कांग्रेसले उपसभामुखको राजीनामा माग समेत गरेको छ
प्रतिनिधि सभाको राज्य व्यवस्था तथा सुशासन समितिका सभापति रामहरि खतिवडाले उपसभामुख रानाले पदीय आचरण विपरितको कार्य गरेकाले तुरुन्तै राजीनामा दिनुपर्ने बताउनु भयो ।
उपसभामुख रानाले रकम उठाएर अमेरिका नपाएका पीडितहरुले खतिवडा सभापति रहेको राज्यव्यस्था समितिमासमेत उजुरी गरेका छन् । सो उजुरीबारे विस्तृत अध्ययन भईरहेको उहाँले जानकारी दिनुभयो ।
उपसभामुख रानामाथि यस्तो गम्भीर आरोपबारे उहाँको सचिवालयले कुनै पनि प्रतिक्रिया जनाएको छैन ।
प्रतिनिधि सभाको बैठक आइतबारका लागि डाकिएको छ । सो समयसम्म रानाले राजीनामा नदिए सदन चर्काउने सत्तारुढ दलका सांसदको तयारी छ ।
उपसभामुख इन्दिरा रानाले अमेरिकी दूतावासलाई अनधिकृतरूपमा लेखेको पत्रबारे राष्ट्रिय स्वतन्त्र पार्टीमा चर्चा सुरू भएको छ ।
सञ्चारमाध्यमहरूमा आएका रिपोर्टलाई आफूहरूले अध्ययन गरिरहेको पार्टीका प्रमुख सचेतक सन्तोष परियारले बताउनु भयो ।
सचेतक नेपालीका अनुसार यस विषयमा सभामुख देवराज घिमिरेसँग जिज्ञासा राखेको र यस विषयमा उहाँले केही थाहा नभएको बताउनु भएको सुनाउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच