१८ देशमा राजदूत सिफारिस, भारतमा शंकर शर्माकै निरन्तरता

हिमालय टाइम्स

Tuesday July 30, 2024

Read Time = 3 mins

सिफारिस

आरोप-प्रत्यारोपमा केन्द्रित संसद्

डिजिटल संस्करण

समाचार

A A- A+

काठमाडाैं । सरकारले १८ देशका लागि नयाँ राजदूत सिफारिस गरेको छ । सोमबार बसेको मन्त्रिपरिषद् बैठकले राजदूत नियुक्तिका लागि सिफारिस गर्ने र केही देशका राजदूत फिर्ता बोलाउने निर्णय गरेको हो ।

बैठकलेले पूर्व उपसभामुख शिवमाया तुम्बाहाम्फेलाई दक्षिण कोरियाका लागि नेपाली राजदूतका रुपमा नियुक्तिका लागि सिफारिस गरेको छ । यस्तै भारतमा राजदूत शंकर शर्मालाई नै निरन्तरता दिइएको छ।

चीनका लागि नेपाली राजदूत विष्णुपुकार श्रेष्ठलाई भने फिर्ता बोलाइएको छ । उहाँको स्थानमा कृष्णप्रसाद ओलीलाई सिफारिस गरिएको एक मन्त्रीले जानकारी दिए ।

अमेरिकाका लागि लोकदर्शन रेग्मीलाई राजदूत नियुक्तिका लागि सिफारिस गरिएको छ । उहाँ यसअघि भारतका लागि सिफारिस हुनुभएकाे थियाे ।

यस्तै यसअघि अमेरिकाका लागि सिफारिस हुनुभएका चन्द्रप्रसाद घिमिरेलाई बेलायतका लागि सिफारिस गरिएको छ । यसअघि कतारबाट फर्कनुभएका डा नेशरविक्रम ढकाललाई साउदी अरबको नयाँ राजदूतका लागि सिफारिस गरिएको छ । कतारका अमिरको नेपाल भ्रमण गराएपछि उहाँ चर्चामा आउनु भएको थियो ।

इजरायलका लागि धनप्रसाद पण्डित सिफारिस गरिएको छ । त्यहाँ कार्यरत कान्ता रिजाललाई अस्ट्रेलिया पठाउने सरकारले निर्णय गरेको छ ।यसअघि पोर्चुगलका लागि सिफारिस भएर पनि जान नपाउनु भएका सनिल नेपाल स्पेनका लागि सिफारिस भएका छन् ।

यता दक्षिण अफ्रिकामा कपिलमान श्रेष्ठ, पोर्चुगलमा प्रकाशमणि पौडेल, पाकिस्तानमा परराष्ट्र मन्त्रालयका सहसचिव रिता धिताललाई राजदूतका रुपमा नियुक्त गर्न सिफारिस गर्ने सरकारले निर्णय गरेको छ ।

यस्तै रुसका मिलन तुलाधर र अष्ट्रेलियाका कैलाशराज पोखरेललाई फिर्ता बोलाइएको छ । श्रीलंकाका बासुदेव मिश्र र दक्षिण अफ्रिकाका दानबहादुर तामाङलाई पनि फिर्ता बोलाउने निर्णय भएको एक मन्त्रीले जानकारी दिनुभयाे ।

राजदूत सिफारिस

यो खबर पढेर तपाईलाई कस्तो महसुस भयो ?