काठमाडौं । एभरेष्ट महिला भलिबल लिग (इडब्लुभिएल)का लागि मधेस युनाइटेडले दोस्रो विदेशी खेलाडीको नाम सार्वजनिक गरेको छ । मधेसले लिगलाई मध्यनजर गर्दै ट्युनिसियाकी योस्रा जेरामदिनीलाई दोस्रो विदेशी खेलाडीको रूपमा भित्र्याएको हो । योसँगै लिका लागि दुई विदेशी घोषणा गर्ने मधेस पहिलो टोली बनेको छ । मधेसले यसअघि नै काजकिस्तानकी कालिनोभा यभजेनियालाई अनुबन्ध गरिसकेको छ ।
ट्युनिसियाकी मिडल ब्लकर योस्राले पहिलो संस्करणको लिमा अब मधेसबाट खेल्नुहुनेछ । ट्युनिसियाको वर्तमान राष्ट्रिय टिमकी सदस्यसमेत रहनुभएकी २३ वर्षीय योस्रासँग रसियन लिग खेलेको अनुभव छ । उहाँले ट्युनिसियन लिग, ट्युनिसियन सुपर कपसमेत खेल्नुभएको छ । उहाँको उचाइ १८४ सेन्टिमिटर छ ।
योस्राले मधेससँग अनुबन्ध भएकोमा खुशी व्यक्त गर्दै आफू एकदमै उत्साहित रहेको बताउनुभएको छ । ‘पहिलो संस्करणको लिगमा म मधेसबाट खेल्दैछु । लिगमा लागि उत्साहित छु । नेपालको नाम धेरै सुनेको छु । म यो सुन्दर देशमा गएर खेल्न उत्सहित छु,’ उहाँले भन्नुभएको छ । मधेसकी अपरेसन हेड संज्ञा श्रेष्ठले योस्रालाई स्वागत गर्दै उहाँको आगमनले टिम अझ बलियो हुने बताउनुभयो ।
नेपाली राष्ट्रिय टिमकी स्पाइकर निरुता ठगुन्ना मार्की प्लेअरमा रहेको मधेसको टिममा हालसम्म आठ नेपाली र दुई विदेशी गरी १० खेलाडी अनुबन्ध भइसकेका छन् । मार्कीसहित नेपाली खेलाडीहरूको नाम यसअघि सार्वजनिक भइसकेको छ । इन्फिनिटी ड्रिम्सको आयोजनामा पहिलोपटक महिला भलिबलको फ्रेन्चाइज लिग एभरेष्ट वुमन्स भलिबल लिगको पहिलो संस्करणमा ६ टोलीले सहभागिता जनाउनेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच