अमेरिकी शेरिफमाथि न्यायाधीश हत्याको अभियोग

हिमालय टाइम्स

५ आश्विन २०८१, शनिबार ०४:२४

Read Time = 3 mins

सिफारिस

बङ्गलादेशी सेनालाई आन्तरिक सुरक्षाका लागि विस्तारित अधिकार प्रदान

प्रिन्ट संस्करण

विदेश

A A- A+

वासिङ्टन । अमेरिकाको दक्षिणी राज्य केन्टकीमा जिल्ला अदालतका न्यायाधीशलाई गोली हानेर हत्या गरेको आरोपमा लेचर काउन्टीका शेरिफलाई बिहीबार हत्याको अभियोग लगाइएको छ ।

लुइसभिल कुरियर जर्नल पत्रिकाका अनुसार लेचर काउन्टीका शेरिफ मिकी स्टाइन्सलाई लेचर काउन्टीको कोर्टहाउसमा गोली हानेको आरोपमा पक्राउ गरिएको हो ।

सीबीएस न्यूजका अनुसार उहाँमाथि जानाजानी हत्या गरेको आरोप लगाइएको थियो । प्रहरीका प्रवक्ताले स्टिन्स र न्यायाधीश ५४ वर्षीय केभिन मुलिन्सबिच उहाँको कार्यकक्षमा भएको विवादपछि गोली चलेको बताएका छन् ।

अनुसन्धानकर्ताहरूले अहिलेसम्म यसको कारण भने सार्वजनिक गरेका छैनन् । केन्टकीका गभर्नर एन्डी बेशियरले एक्समा एक पोस्टमा न्यायाधीशलाई ताकेर गोली हानिएको पुष्टि गर्नुभएको छ ।

'दुःखको कुरा, मलाई लेचर काउन्टीका एक जिल्ला न्यायाधीशलाई उहाँकै कोठामा गोली हानेर हत्या गरिएको जानकारी दिइएको छ,' बेशियरले भन्नुभयो ।

उहाँले लेख्नुभएको छ, ‘यो संसारमा त्यहाँ राम्रो भविष्यको बाटो छ । धेरै हिंसा छ, र म प्रार्थना गर्दछु कि सबैले राम्रो मार्ग लिनु उचित हुनेछ ।” संयुक्त राज्य अमेरिकामा जनसङ्ख्याभन्दा बढी बन्दुक छन् र बन्दुक हिंसा व्यापक हुनेगर्छ ।

यसै महिनाको सुरुमा केन्टुकी राजमार्गमा एक व्यक्तिले गोली हानेर पाँच जनालाई घाइते बनाएका थिए । १० दिनको खोजीपछि बन्दुकधारीको शव बुधबार फेला परेको हो ।

सर्वेक्षणले अमेरिकीहरूलाई थप बन्दुक प्रतिबन्धहरूको समर्थन गरेको देखाएपनि बन्दूक राख्न पाउने पक्षमा संवैधानिक संरक्षण र व्यापक दवाव समूहका कारण बन्दुक किन्न र राख्न नपाउने प्रावधानलाई हटाउने राजनीतिक प्रयासले सार्थकता पाउन सकेको देखिँदैन बन्दुक अधिकारको प्रयासहरूले प्रायः कठोर राजनीतिक प्रतिरोधको सामना गर्नुपर्छ । यो मुद्दा प्रायः पछिल्ला अमेरिकी निर्वाचनमा पक्ष वा विपक्षमा मत आकर्षण गर्ने गतिलो एजेन्डा बन्नेगरेको छ । रासस/एएफपी ।

न्यायाधीश

अमेरिका

यो खबर पढेर तपाईलाई कस्तो महसुस भयो ?