काठमाडौं । सिंगापुरमा जन्म भई उतै भलिबल सिक्नुभएकी ज्याक्युशा थापाले ललितपुर क्विन्सबाट एभरेष्ट महिला भलिबल लिग खेल्ने हुनुभएको छ । जावलाखेलस्थित जावलाखेल भलिबल तालिम केन्द्रमा भएको ट्यालेन्ट हन्ट कार्यक्रममार्फत् ज्याक्युशा ललितपुर क्विन्समा छनोट हुनुभएको हो ।
करिब ४५ सहभागीबाट उहाँ छनोट हुन सफल हुनुभएको थियो । क्लबका प्रशिक्षक उत्सव खड्का र व्यवस्थापक श्रद्धा क्षेत्रीले उहाँलाई आइतबार क्लबमा स्वागत गर्नुभएको थियो । पाँच फिट आठ इन्च कद हुनुभएकी उहाँ आउट साइड हिटर खेल्नुहुन्छ ।
ज्याक्युशाको आगमनसँगै ललितपुर क्विन्सको टोली पूरा भएको छ । क्लबले विदेशी खेलाडी पनि अनुबन्ध गरिसकेको छ । विदेशी खेलाडीको विवरण भने केही दिनमा सार्वजनिक गर्ने जनाइएको छ ।
ललितपुरस्थित नखिपोटमा बस्ने ज्याक्युशा जेम्स उच्च शिक्षा संस्थानमा अध्ययनरत कक्षा १२ की छात्र हुनुहुन्छ । उहाँको बुबा सिंगापुर प्रहरी भएकाले उहाँको बाल्यकाल सिंगापुरमै बित्यो ।
उहाँले सिंगापुरमा आफू पढ्ने विद्यालयमा नै भलिबल सिक्ने अवसर पाउनुभयो । सन् २०२२ मा उहाँको बुबा सेवानिवृत्त भइसकेपछि उहाँसहित सपरिवार नेपाल फर्किएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच