काठमाडौं । एन्फा महिला लिग फुटबलमा विभागीय टोली एपिएफ फुटबल क्लबले सुदुरपश्चिम प्रदेशको पोष्टमा गोलको वर्षा गरेको छ । सातदेबाटोस्थित एन्फा कम्प्लेक्समा सोमबार भएको दोस्रो खेलमा एपिएफ फुटबल क्लबले सुदुरपश्चिम प्रदेशमाथि १९-० गोलको सानदार जित हासिल गरेको हो ।
यो जितसँगै आठ खेलबाट २२ अंक जोडेको एपिएफ पहिलो स्थानमा रहेको छ । त्यसै गरी पराजित सुदुरपश्चिम प्रदेश आठ खेलबाट कुनै अंक नजोडि तालिकाको पुछारमा रहेको छ ।
यसअघि सोमबार नै भएको पहिलो खेलमा चन्द्रपुर नगरपालिका र कोशी प्रदेसबीचको खेल एक-एक गोलबाट बराबरीमा सकिएको थियो । पहिलो हाफ गोलरहित बराबरीमा सकिएको थियो भने दोस्रो हाफमा ५० औं मिनेटमा कोशीले पेनाल्टी पायो । ममता रावतले हानेको किक पेनाल्टी बक्स भित्र चन्द्रपुरको डिफेन्डरको हातमा लाग्दा कोशीले पेनाल्टी पाएको थियो ।
पेनाल्टीका लागि कोशी प्रदेशकी मिडफिल्डर प्रतिक्षा राई आउनुभएको थियो । तर, उहाँको पेनाल्टी चन्द्रपुरकी गोलरक्षक उषा थापाले सहजै बचाउनुभयो । त्यसको एक मिनेटमा चन्द्रपुरले काउन्टर अट्याक गर्दै गोल गर्यो ।
चन्द्रपुरको लागि सुनिता सुनारले गोल गर्दै चन्द्रपुरलाई अग्रता दिलाउनुभयो । कोशी ७९ मिनेटसम्म चन्द्रपुरबाट रोकियो । कोशीका लागि ममता रावतले ८० औं मिनेट गोल गर्दै खेललाई बराबरीमा ल्याउनुभयो ।
त्यसपछि केही सुधारिएको लय सहित कोशी खेलमा फर्किए पनि गोल भने गर्न सकेन । खेल एक-एक को बराबरीमा नै सकिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच