काठमाडौं । चलचित्र ‘सानो संसार’ अब कात्तिक ९ मा पुुनः सिनेमाघरमा आउने भएको छ । बाढीपहिरो र प्राकृतिक विपत्तिका कारण प्रदर्शन रोकिएको यो चलचित्रको नयाँ प्रदर्शन मिति घोषणा गरिएको हो । गत शुक्रबारबाट रिलिज भएको यो चलचित्रको आइतबारदेखि प्रदर्शन स्थगित गरिएको थियो ।
बाढीपहिरो र प्राकृतिक विपत्तिका कारण चलचित्रको प्रदर्शन स्थगित गर्नुपरेको चलचित्रका कार्यकारी निर्माता माधव वाग्लेले जानकारी दिनुभयो । मध्यमवर्गीय परिवारको कथामा बनेको चलचित्र ‘सानो संसार’लाई सिद्धार्थ पुडासैनीले निर्देशन गर्नुभएको हो ।
चलचित्रमा चर्चित हास्य कलाकार केदार घिमिरे ‘माग्नेबुढा’ की श्रीमती सीतादेवी तिमल्सेनाको शीर्ष भूमिका हुनुहुन्छ । उहाँको अलावा चलचित्रमा राजपंगेनी शर्मा, अनु दाहाल, अञ्जसा रिजाल, शिशिर शिवाकोटीलगायत कलाकारहरूको अभिनय छ । अर्जुन कुमारले निर्देशन गरेको चलचित्रका कार्यकारी निर्माता माधव वाग्ले हुनुहुन्छ । यस्तै शुक्रबारबाट प्रदर्शनमा आएको चलचित्र ‘आँखा’को पनि प्रदर्शन रोकिएको छ । बाढी पहिरो र प्राकृतिक विपत्तिका कारण चलचित्रको प्रदर्शन स्थगित गर्नुपरेको बताउँदै निर्माण टीमले सोमबारदेखि चलचित्रको प्रदर्शन रोकेको हो ।
निर्माता जौन योन्जनले विज्ञप्ति जारी गर्दै प्रदर्शन रोकिएको जानकारी दिनुभएको थियो । ‘हालको बाढीपहिरो र प्राकृतिक विपत्तिका कारण जनमानसलाई आवतजावत गर्नसमेत कठिन भएको परिपेक्षमा सबैभन्दा पहिला आममानिसको जनधनको सुरक्षालाई पहिलो प्राथमिकतामा राखेर हामीले हाललाई फिल्म आँखालाई केही समयका लागि प्रदर्शन स्थगित गरेका छौं । यो निर्णयबाट प्रदर्शक र दर्शकलाई परेको असुविधाप्रति हामी क्षमाप्रार्थी छौं’, विज्ञप्तिमा उल्लेख छ । उहाँले सहज वातावरण भएपछि चलचित्रलाई पुनः प्रदर्शनमा ल्याउने विज्ञप्तिमा जनाउनुभएको छ । यो शुक्रबारदेखि सिनेमाघरमा चलचित्र ‘बेहुली फ्रम मेघौली’ प्रदर्शनमा आउँदैछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच