नयाँदिल्ली । इण्डियन प्रिमियर लिग (आइपिएल)को अर्को संस्करण आगामी वर्षको मार्च १४ देखि सुरु हुनेभएको छ । आइपिएलले शुक्रबार आगामी ३ सिजनका लागि मिति सार्वजनिक गर्दै सन् २०२५ को आइपिएल मार्च १४ देखि सुरु हुने बताएको हो । आइपिएल २०२५ को फाइनल मे २५ मा हुनेछ ।
आइपिएलका अनुसार सन् २०२६ को सिजन मार्च १५ देखि मे ३१ सम्म र सन् २०२७ को सिजन मार्च १४ देखि मे ३० सम्म हुनेछ । यद्यपि उपाधि खेल कुन मैदानमा हुने भन्नेबारेमा भने खुलाइएको छैन ।
पछिल्लो पटकजस्तै आइपीएल २०२५ मा पनि ७४ वटा खेल हुनेछन् । यस्तो अवस्थामा प्रतियोगिताको संख्या बढेको छैन । तर, २०२६ र २०२७ को आइपीएलमा खेलको संख्या बढ्न सक्छ । आइपिएल २०२५ का लागि आइतबार र सोमबार साउदी अरेबियामा मेगा अक्सन हुँदैछ ।
सन् २००८ देखि सुरु भएको आइपीएलले हालसम्म सात फरक विजेता पाइसकेको छ । प्रतियोगितामा हालसम्म चेन्नाई सुपर किंग्स र मुम्बई इण्डियन्सले समान पाँचपटक उपाधि जितेका छन् । यस्तै, कोलकाता नाइट राइडर्सले तीनपटक जित्दा सनराइजर्स हैदराबाद, डेकेन चाजर्स, राजस्थान रोयल्स र गुजरात टाइटन्सले समान एकपटक आइपीएल उपाधि जितेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच