सहकारी ठगी प्रकरण : जीवी राईसहित १९ जनाविरुद्ध कास्की जिल्ला अदालतमा मुद्दा दायर

५ पौष २०८१, शुक्रबार १५:०५

Read Time = 3 mins

डिजिटल संस्करण

समाचार

A A- A+

काठमाडौं । सूर्यदर्शन सहकारी ठगी प्रकरणमा जीवी राईसहित १९ जनाविरुद्ध आजै कास्की जिल्ला अदालतमा मुद्दा दर्ता भएको छ ।

सरकारी वकिल कार्यालय कास्कीकी सुचना अधिकारी शान्ति देवी शर्माका अनुसार यसअघि अदालतबाट मुद्दा चलेका गितेन्द्रबाबु (जीबी) राईसहित १९ जनाविरुद्ध थप अभियोग दर्ता गरिएको हो ।

पूर्वउपप्रधानमन्त्री तथा गृहमन्त्री रविलामिछानेसहित १९ जनाविरुद्ध कास्की जिल्ला अदालतमा मुद्दा दायर भएको हो ।

सहकारीको सम्पत्ति गोरखा मिडियामा ल्याएर संगठित अपराध गरेको भन्दै पूर्वडीआईजी तथा गोरखा मिडिया नेटवर्क प्रालीका तत्कालीन उपाध्यक्ष छविलाल जोशीलाई असोज ६ गते प्रहरीले पक्राउ गरेको थियो । जोशीको पक्राउको ८९ दिन भइसकेहकाले भोलि अन्तिम दिन हो ।

अन्तिम दिन बिदाको दिन पर्दा त्यसपछि कार्यालय खुल्ने दिनलाई अन्तिम मिति मानिने हुँदा आइतबार ९० दिनहको हदम्याद सकिने भएकाले सपत्ति शुद्धीकरण र संगठित अपराधमा पनि आइतबार नै मुद्दा दायर गर्नुपर्छ ।

कास्की प्रहरीले रास्वपा सभापति लामिछानेसहित ५१ जनालाई प्रतिवादी बनाएर सरकारी वकिल कार्यालयमा रायसहितको प्रतिवेदन बुझाएको थियो । प्रतिवेदनमा १ अर्ब ५१ करोड ४० लाख रुपैया बिगो असुल राखिएको छ ।

सरकारी वकिल कार्यालयले यसअघि सहकारीका पूर्वअध्यक्ष गितेन्द्रबाबु राई (जीबी), उनका दाजु भूपेन्द्र राई, वर्तमान अध्यक्ष थानबहादुर बुढा, सञ्चालक समितिका उपाध्यक्ष कैलाशकुमार दर्लामी, सचिव धीरजकुमार दास, कोषाध्यक्ष कुमार रम्तेल, सदस्यहरू हेमन्त अधिकारी, कविता तामाङ र प्रमोद भट्टराई मुद्दा चलाएको थियो ।

पूर्वसचिव अनुज नकर्मी र सुरज श्रेष्ठ, सञ्चालक सदस्यहरू शिवबहादुर गुरुङ, भविश्वर अर्याल र आइस्मा गुरुङ, लेखा समितिका संयोजक सागर केसी, सदस्य दिनेश रोका र ललिता तामाङ, लेखा अधिकृत सृष्टि मानन्धर, कर्जा अधिकृत बुद्धि गुरुङविरुद्ध समेत कार्यालयले मुद्दा दर्ता गराएको थियो ।

सरोकार

प्रहरी

अदालत

यो खबर पढेर तपाईलाई कस्तो महसुस भयो ?