काठमाडौं । १७औँ संस्करणको धर्मश्री राष्ट्रिय शारीरिक सुगठन प्रतियोगिता आगामी चैतमा हुने भएको छ । आयोजक नेपाल व्यायाम मन्दिरले सोमबार धर्मश्री प्रतियोगितालाई निरन्तरता दिन धर्मश्री शारीरिक सुगठन, पूर्वमेयर पिएलसिंह मेन्स फिजिक्स एक सय ७० सिएम ओभर अन्डर राष्ट्रव्यापी शारीरिक सुगठन प्रतियोगिता तथा वुमेन्स बडिबिल्डिङ ओपन र ५० वर्षभन्दा माथिका खुला मास्टर शारीरिक सुगठन प्रतियोगिता गर्न लागेको जानकारी दिएको हो ।
प्रतियोगितामा देशभरबाट ६०० जना खेलाडीको सहभागिता रहने व्यायाम मन्दिरका अध्यक्ष नारायण प्रधानले जानकारी दिनुभयो । एक करोड रुपैयाँ लगानीमा सञ्चालन हुने प्रतियोगितामा विभिन्न विधाका खेलाडीलाई पुरस्कार राशिमात्र ५२ लाख रुपैयाँ राखिएको आयोजकले जनाएको छ ।
प्रतियोगिताका खेलहरू प्रज्ञाभवन कमलादीमा चैत ७, ८ र ९ गते हुनेछन् । फाइनलमा धर्मश्री उपाधि विजेताले १२ लाख रुपैयाँ पुरस्कार प्राप्त गर्नेछ । यस्तै, उपविजेतालाई ६ लाख र तेस्रो हुनेलाई तीन लाख रुपैयाँ प्रदान गरिने जनाइएको छ ।
प्रत्येक विधामा शीर्ष ६ मा रहने खेलाडीलाई आकर्षक नगद पुरस्कार राखिएको छ । शहीद धर्मभक्त माथेमाको स्मृतिमा २०४२ सालदेखि सञ्चालन हुँदै आएको धर्मश्री नेपालकै प्रतिष्ठित र कठिन शारीरिक सुगठन प्रतियोगिता हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच