काठमाडौं । नेपाली राष्ट्रिय क्रिकेट टिमका पूर्वकप्तान तथा लेग स्पिनर सन्दीप लामिछानेको एउटा पोस्टले नेपाली क्रिकेटको माहोल तातेको छ । आइतबार बिहानै लामिछानेले सामाजिक सञ्जाल फेसबुकमा लेखेको एउटा भावुक स्टाटसले क्रिकेटको माहोल तताएको हो । उहाँले आफ्नो पोस्टमार्फत् समर्थकहरूप्रति कृतज्ञता प्रकट गर्नुभएको छ ।
उहाँको स्टाटसले लाखौं समर्थकको मनमा भने सन्दीपले केही ठूलो निर्णय लिन लागे कि भन्ने कौतुहलता ल्याएको छ भने कतिपयले सन्दीपको स्टाटसलाई सन्न्यासको संकेतका रूपमा समेत लिएका छन् । ‘सबैजनालाई यो सबै कुराका लागि धन्यवाद । यो देश र यहाँका क्रिकेट समर्थकहरूले सधैं मेरो समर्थन गर्दै मेरो यात्रामा निरन्तर साथ दिनुभएको छ । यो माया र हौसला मेरा लागि सबथोक भएको र सदा मनमा विशेष किसिमले रहिरहनेछ,’ उहाँले लेख्नुभएको छ ।
पोस्टमा कमेन्ट गर्ने धेरैले उहाँलाई अहिले नै क्रिकेट खेलबाट सन्न्यास नलिन सुझाव दिएका छन् । आफ्नो लयमा चाँडै फर्किन पनि सन्दीपका समर्थकले आग्रह गरेका छन् । केहीले भने एटेन्सन पाउनका लागि सन्दीपले भावुक स्टाटस राखेको टिप्पणी पनि गरेका छन् । २४ वर्षीय सन्दीपका लागि सन्न्यास लिनका लागि त्यस्तो ठूलो कारणचाहिँ देखिँदैन ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच