![धम्पुसमा ‘तेस्रो माछापुच्छ्रे गाउँपालिका अध्यक्ष कप’ हुने](https://ehimalayatimes.com/wp-content/uploads/2025/01/machahhpuchre-cup.jpg)
काठमाडौं । प्रधानमन्त्री कप पुरुष क्रिकेट छनोट प्रतियोगिता आज (बुधबार)बाट सुरु हुँदैछ । काठमाडौं जिल्ला क्रिकेट संघले नेपाल क्रिकेट संघको वार्षिक खेल तालिकाअनुसार प्रतियोगिता गर्न लागेको हो । मूलपानीस्थित माथिल्लो क्रिकेट खेल मैदानमा सञ्चालन हुने प्रतियोगिता माघ २७ गतेसम्म चल्नेछ ।
काठमाडौं जिल्ला छनोट देशभरिकै सबैभन्दा ठूलो छनोट प्रतियोगिता हुने र यसबाट राष्ट्रिय खेलाडी बन्नका लागि ढोका खुल्ने विश्वास आयोजकको छ । प्रतियोगितामा १४ वटा क्लब र एकेडेमीले प्रतिस्पर्धा गर्नेछन् ।
संघले पहिले नाम दर्ता गराउने क्लब र एकेडेमीलाई प्राथमिकतामा राखेर सहभागी गराएको मंगलबार सार्वजनिक विज्ञप्तिमार्फत् जानकारी दिएको छ । सहभागी टोलीहरूलाई चार समूहमा विभाजन गरिएको छ । दुई समूहमा चार/चार टोली र बाँकी दुई समूहमा तीन/तीन टोली छन् ।
समूह ‘ए’ मा महावीर स्टडिज एण्ड एथ्लेटिक्स सेन्टर, ओएसिस क्रिकेट एकेडेमी, थर्ड आई युथ क्लब र पुष्पलाल स्पोट्र्स क्लब छन् । समूह ‘बी’ मा ग्रेट हिमालय क्रिकेट एकेडेमी, हिमालयन क्रिकेट एकेडेमी (ए), एन्जल्स स्पोट्र्स एकेडेमी र बालुवाटार क्रिकेट क्लब छन् । समूह ‘सी’ मा क्रिकेट एक्सिलेन्स सेन्टर, हिमालयन क्रिकेट एकेडेमी (बी) र वान डे क्रिकेट एकेडेमी छन् । समूह ‘डी’ मा न्यु भिजन क्लब, नेक्सेस क्रिकेट एकेडेमी र फरएभर क्रिकेट ब्वाइज क्लब छन् ।
प्रतियोगितालाई भव्यताका साथ सम्पन्न गर्ने उद्देश्यले विभिन्न पुरस्कारको व्यवस्था पनि गरिएको आयोजकले जनाएको छ । जसमा म्यान अफ दि म्याच प्रतिखेल एक हजार, बेष्ट बलर र बेष्ट ब्याटर पाँच हजार, प्लेयर अफ द टुर्नामेन्ट १० हजार र
उदयीमान खेलाडी (इमर्जिङ प्लेयर) पाँच हजार रहेको छ ।
यस प्रतियोगिताको मुख्य प्रायोजक कृषि विकास बैंक लि. रहेको छ । अन्य प्रायोजकहरूमा कागेश्वरी मनोहरा नगरपालिका, सक्कल एग्रो फर्म, फ्रान्कलिन एजुकेसन कन्सल्टेन्सी, गोकर्णेश्वर नगरपालिका, नेवा बेभरेज प्रालि, एभरेस्ट बैंक लि., आविष्कार ज्वेलर्स, सुशील कोइराला फाउण्डेसन, नेप्लाई, नेक्सस एजुकेसन कन्सल्टेन्सी, श्रेष्ठ टेलरिङ, इको प्यानल र आइसिएफसी फाइनान्स लि. छन् ।
काठमाडौं जिल्ला क्रिकेट संघका अध्यक्ष दिवाकर घले गुरुङले नेपाल राष्ट्रिय क्रिकेट टोलीको भविष्य निर्माणका लागि यस्तो प्रतियोगिताले महत्वपूर्ण भूमिका खेल्ने विश्वास लिएको बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच