स्थानीय तहमा कार्यरत कर्मचारीहरुको सरुवा बढुवाको काम अघि बढ्छ : मुख्यमन्त्री आचार्य

फाइल तस्बिर

चन्द्रकान्त खनाल रुपन्देही, संवाददाता

१९ माघ २०८१, शनिबार २०:०२

Read Time = 3 mins

डिजिटल संस्करण

लुम्बिनी प्रदेश

A A- A+

रुपन्देही । लुम्बिनी प्रदेशका मुख्यमन्त्री चेतनारायण आचार्यले स्थानीय सेवा ऐनमा छुटेका बिषयहरुलाई नियमावलीमा समेटेर सम्बोधन गर्ने बताउनु भएको छ ।

नेपाल निजामती कर्मचारी संगठन जिल्ला कार्यसमिति प्यूठानको १२औं जिल्ला अधिबेसनको बन्द सत्रको समापन कार्यक्रमलाई शनिबार प्यूठानमा सम्बोधन गर्दै मुख्यमन्त्री आचार्यले स्थानीय सेवा ऐनमा सम्बोधन हुन नसकेका तर, महत्वपूर्ण बिषयलाई निमावली मार्फत सम्वोधन गर्ने बताउनु भएको हो ।

‘धेरै सम्वोधन गर्दा गर्दै पनि केही कर्मचारी साथीहरुका गुनासा रहेका छन् । ति रहेका गुनासाहरुलाई पनि सरकारको तर्फबाट मैले भनिरहेको छु, सकेसम्म छुटेका बिषयलाई नियमावलीले संवोधन गर्छौं ।

नियमावलीले पनि सम्वोधन गर्न सकिएन भने ति नमिलेका बिषयबस्तुलाई ऐन संशोधन गरेर भएपनि मिलाएर अघि बढ्न सकिन्छ’उहाले भन्नुभयोे,‘अव स्थानीय तहमा कार्यरत कर्मचारीहरुको सरुवा, बढुवाको काम पनि अघि बढ्नेछन ।’
यस्तै मुख्यमन्त्री आचार्यले कानून निर्माणलाई प्राथमिकतामा राखेर सरकार अघि बढिरहेको समेत बताउनु भयो । प्रदेश सरकारले कानून निर्माणलाई प्राथमिकतामा राखेर सरकार अघि बढेको, प्रदेश निजामती ऐन र स्थानीय सेवा ऐन निर्माण गरेर कार्यान्वयन तहमा लगिएको समेत स्पष्ट पारे ।

‘अवको एक महिना भित्र नियमावली बनाएर स्थानीय सेवा ऐनलाई कार्यान्वयन गर्छौं’उहाले भन्नुभयोे,‘प्रदेशमा समायोजन भएका दरबन्दी एकिन गर्ने काम समेत गरेका छौं । संघीय सरकारबाट प्रदेशमा समायोजन भएर आएको कर्मचारीको दरबन्दी संख्या चार हजार ७८ रहेको संक्षिप्त ओएनएम सर्भेबाट पत्ता लाग्यो ।’

प्रदेश सरकारमा करिब एक हजार ९ सय कर्मचारीको दरबन्दी अभाव छ । यो संख्यालाई आधार मानेर लोकसेवा आयोगले विज्ञान गरेर कर्मचारी भर्नाको कामलाई अघि बढाएको समेत बताउनु भयो । अव प्रदेश र स्थानीय तहले जनशक्तिको अभाव भोग्नु नपर्नेगरी सरकारले काम अघि बढाएको समेत उल्लेख गर्नुभयो।

सरोकार

यो खबर पढेर तपाईलाई कस्तो महसुस भयो ?