काठमाडौं । बंगलादेशको ढाकामा भएको छैटौं अन्तर्राष्ट्रिय विकेएसपी कप एथलेटिक्स च्याम्पियनसिपका पदक विजेता खेलाडीसहितको टोली नगदसहित सम्मानित भएका छन् । माघ १५ र १६ गते भएको प्रतियोगितामा नेपालका पाँच खेलाडीले एक स्वर्ण, एक रजत र चार कांस्य पदक जितेका थिए ।
अस्मिता भुजेलले एक हजार ५०० मिटर दौडमा स्वर्ण तथा ८०० मिटर दौड र चार गुणा ४०० मिटर मिक्स रिलेमा कांस्य जित्नुभएको थियो । अस्मिताले २० हजार रुपैयाँ प्राप्त गर्नुभयो । शैलेस श्रेष्ठले ११० मिटर हर्डल्समा रजत र चार गुणा ४०० मिटर मिक्स रिलेमा कांस्य जित्नुभएको थियो । उहाँले १५ हजार रुपैयाँ प्राप्त गर्नुभयो ।
लङजम्प र चार गुणा ४०० मिटर मिक्स रिलेमा कांस्य जित्नुभएकी निशा घर्तीलाई १० हजार नगद प्रदान गरिएको थियो । पुकारजंग बस्नेतले एक हजार ५०० मिटर दौड र सन्तबहादुर दराईले चार गुणा ४०० मिटर मिक्स रिलेमा कांस्य जित्नुभएको थियो । दुवैले जनही पाँच हजार नगद पुरस्कार प्राप्त गर्नुभयो । टिम व्यवस्थापक सुन्दरकेशर कार्कीलाई पनि पाँच हजार नगदसहित पुरस्कृत गरिएको थियो ।
उहाँहरूलाई संघीय सांसद कल्पना चौधरी, राष्ट्रिय खेलकुद परिषद् (राखेप) का उपाध्यक्ष ध्रुव आचार्य, राखेपका पूर्वउपाध्यक्ष पिताम्बर तिम्सिना, राखेपका सदस्य सुवर्ण श्रेष्ठ, जनकसिंह धामी, हिमालकुमार श्रेष्ठ, प्रदेश खेलकुद विकास परिषद्, बागमती प्रदेशका पूर्वसदस्य-सचिव सूर्यलाल भण्डारी, एथलेटिक्स परिवार नेपालका अध्यक्ष राजन खत्रीलगायतले प्रशंसा पत्र र नगद प्रदान गरी सम्मान गर्नुभएको थियो । एथलेटिक्स परिवार नेपाल र नेपाल एथलेटिक्स संघका केही पदाधिकारी मिलेर खेलाडीलाई सम्मान गरिएको अध्यक्ष खत्रीले जनाउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच