माघ १५ गते यता जिल्ला प्रहरी परिसर, काठमाडौंद्वारा ३ हजार ३७९ फरार प्रतिवादी पक्राउ

हिमालय टाइम्स

२९ माघ २०८१, मङ्गलबार १५:१७

Read Time = 3 mins

डिजिटल संस्करण

अपराध/सुरक्षा

A A- A+

काठमाडौं । नेपाल प्रहरीले काठमाडौंको डल्लुमा सुन तथा विभिन्न गहना चोरी गर्ने गिरोहलाई पक्राउ गरेको छ ।

पक्राउ पर्नेमा वर्ष ४१ का नरेन्द्र देउला रहेको जिल्ला प्रहरी परिसर, काठमाडौंका सूचना अधिकारी तथा प्रवक्ता प्रहरी उपरीक्षक अपिलराज बोहराले बताउनु भयो । उहाँले देउला यसअघि पनि पाँच चोरी मुद्दा र एउटा ज्यान केस मुद्दामा संलग्न रहेको बुझिएको बताउनु भयो । देउला कतिपय केसमा कारागार सजाय भोगेर र कतिपय केसमा धरौटीमा रिहा भइको पाइएको बताउनु भयो । देउलाबाट करिव ११ लाख २३ हजार बराबरको सुनका सामग्री बरामद गरिएको बताउनु भयो ।

त्यस्तै काठमाडौंको कुमारीगालमा चोरीको मोबाइल लिन दुई समूहबीच भएको झडपमा धारिलो हतियार प्रयोग वर्ष २३ का संघर्ष कार्कीको ज्यान गएको प्रहरीले बताएको छ । हत्या प्रकरणमा संलग्न तीन जनालाई पक्राउ गरिएको बताउनु भयो । पक्राउ पर्नेमा वर्ष २३ का युनिक लामा भन्ने न्युतु शेर्पा, शेर्पालाई यसअघि पनि अभद्र मुद्दामा पाँच पटक पक्राउ गरिसकेको बताउनु भयो ।

त्यस्तै पक्राउ पर्ने अर्का व्यक्ति विशाल तामाङ रहेको बताउनु भयो । त्यस्तै अर्का वर्ष १९ का क्षितिज कार्की रहेको बताउनु भयो । घटनामा संलग्न दुई समूहका तीन जनालाई पक्राउ गरी अनुसन्धान भइरहेको बताउनु भयो । एक जना अझै फरार रहेको जानकारी दिनुभयो ।

त्यस्तै काठमाडौं महानगरपालिका वडा नम्बर ३, बुढानीलकण्ठ गैह्रीगाउँस्थित दुई वटा घर भाडामा लिएको र क्रिप्टो करेन्सी सञ्चालन गरेको घटनामा २३ जनलाई पक्राउ गरिएको बताउनु भयो । घटनाबाट विभिन्न किसिमडा डिभाइस, ट्रान्जेक्शन गर्ने ल्यापटप, क्म्प्युटर लगायतका सामग्री बरामद गरेको बताउनु भयो । प्रारम्भिक अनुसन्धानअनुसार ३ अर्ब १३ करोड भन्दा बढी रकम बराबरको सट्टाबाजी भएको देखिएको बताउनु भयो । पक्राउ पर्ने २३ जना व्यक्ति सबै भारतीय नागरिक रहेको बताउनु भयो । ८८ थान मोबाइल, १० वटा ल्यापटप, भारतीय सिमकार्ड ५० वटा, भारतीय एटिएम कार्य ९ वटा बरामद गरेको बताउनु भयो ।

माघ १५ गतेदेखि अहिलेसम्म ३ हजार ३७९ फरार प्रतिवादीलाई पक्राउ गरी कानूनको दायरामा ल्याएको बताउनु भयो ।

प्रहरी

पक्राउ

यो खबर पढेर तपाईलाई कस्तो महसुस भयो ?