बागलुङमा फागुन ११ देखि चौथो संस्करणको लखन कप हुँदै

डम्मर बुढा मगर बागलुङ, संवाददाता

६ फाल्गुन २०८१, मङ्गलबार ०३:४३

Read Time = 2 mins

सिफारिस

फिल्म फुटबल कपको उपाधि बुढानीलकण्ठलाई

प्रिन्ट संस्करण

खेलकुद

खेलकुद बिविध

A A- A+

बागलुङ । आगामी फागुन ११ देखि १५ गतेसम्म बागलुङमा नेपालका प्रथम शहीद लखन थापामगरको स्मृतिमा ‘चौथो लखन कप-२०८१’ सञ्चालन हुने भएको छ । नेपाल मगर संघ बागलुङको आयोजनामा लखन कप आयोजना गरिएको हो ।

मगर दिवसका अवसरमा लखन कप आयोजना गरिएको मगर संघ बागलुङका अध्यक्ष श्यामबहादुर पुनमगरले जानकारी दिनुभयो । चार दिनसम्म चल्ने कार्यक्रममा विभिन्न प्रतियोगितात्मक खेलकुदहरू हुने पुनको भनाइ छ । उहाँका अनुसार पुरुष तथा महिला भलिबल प्रतियोगिता, छेलो फाल्ने, रस्साकस्सालगायतका प्रतियोगिताको आयोजना गरिएको छ ।

पुरुष भलिबल प्रतियोगितामा प्रथम हुनेले नगद ८१ हजार १८१, द्वितीय हुनेले ४१ हजार १४१ रुपैयाँ प्राप्त गर्नेछन् । महिला भलिबल प्रतियोगितामा प्रथम हुने समूहले ३० हजार, द्वितीय हुनेले १५ हजार रुपैयाँ प्राप्त गर्ने मगर संघ बागलुङका सह-सचिव रेशम घर्तीमगरले जानकारी दिनुभयो ।

शहीदको सम्मानमा हरेक वर्ष मगर संघले सांस्कृतिक तथा खेलकुद कार्यक्रम राख्दै आएको हुँदा यस वर्ष पनि निरन्तरता दिएको उहाँको भनाइ छ । उक्त अवसरमा प्रतियोगितात्मक कार्यक्रमसहित मगर समुदायमा प्रचलित विभिन्न किसिमका झाँकीहरू प्रदर्शन गरिने घर्तीमगरले जानकारी गराउनुभयो ।

लखन कप

भलिबल

खेलकुद

यो खबर पढेर तपाईलाई कस्तो महसुस भयो ?