काठमाडौं । दर्शकमाझ लोकप्रिय गायन तथा नृत्यमा आधारित रियालिटी शो ‘मेरो भ्वाइस युनिभर्स’ तथा ‘मेरो डान्स युनिभर्स’ सिजन-२ को हङ्कङ अडिशनबाट प्रतिभा काठमाडौंमा आयोजना हुने प्रतिस्पर्धाका लागि छनोट भएका छन् । इन्ट्रा-नेशनल वेलफेयर एण्ड सपोर्ट फाउण्डेशन अफ अमेरिका’ ले नेपालमा आयोजना गर्ने यी रियालिटी शोका लागि यही फेब्रुवरी १५ का दिन हङ्कङको जोर्डनस्थित ब्लु ओसन रेष्टुराँको सभाहलमा अडिशन कार्यक्रम आयोजना गरिएको थियो ।
दुई रियालिटी शोका अडिशन कार्यक्रम खुशी इभेन्ट्सकी प्रबन्ध निर्देशक खुशी गुरुङ, संयुक्त डान्स स्टुडियोकी सञ्चालिका सुकु लिम्बु र डिभाइन डान्स स्टुडियोकी संस्थापक सोफिया गुरुङको संयोजनमा सम्पन्न भएको हो । उक्त अडिशनबाट गायनतर्फ टोपराज तामाङ, डिकेश तामाङ, सौरभ पाख्रिन तामाङ, अनुपकुमार बराइली र बिन्नी लामा राई गरी पाँचजना छनोट हुनुभएको छ । नृत्यतर्फ रिस्ता गुरुङ, युविका राना, आयुष्मा राई, दीक्षा गुरुङ र अञ्जलि पुन गरी पाँचजना छानिनुभएको छ । अडिशनमा नृत्यतर्फ १४ जना तथा गायनतर्फ आठजना गरी २२ जनाले भाग लिनु भएको थियो ।
गायनतर्फ अडिशनमा हङ्कङवासी गायकरगायिका सरला गुरुङ तथा मनोज गुरुङ निर्णायकको रूपमा रहनुभएको थियो भने नृत्यतर्फको निर्णायकमा अमेरिकाबाट आउनु भएका नृत्य निर्देशक तथा मोडल शंकर बिसी, हङ्कङवासी कोरियोग्राफर तथा मिस लिम्बु ब्युटी कन्टेष्टका संस्थापक युगल पोमु रहनुभएको थियो । अश्मि गुरुङद्वारा सञ्चालन गरिएको अडिशनमा निर्णायक बिसीसँगै आयोजक संस्था इन्ट्राका सदस्य रोशन विष्ट, लालबहादुर तिवारी, सोनु तामाङ र अथिराज शिवाकोटी पनि सहभागी हुनुभएको थियो ।
यो अन्तर्राष्ट्रियस्तरको नेपाली गायन तथा नृत्यमा आधारित रियालिटी शोका विजेतालाई ठूलो पुरस्कार राशि प्रदान गरिन्छ । दुवै शोका विजेतालाई एक करोड रुपैयाँ पुरस्कार प्रदान गरिने भनिएको छ भने दोस्रो तथा तेस्रो हुनेलाई क्रमशः २५ तथा १० लाख रुपैयाँ प्रदान गरिनेछ । ‘मेरो डान्स युनिभर्स’अन्तर्गत हरेक एपिसोडको प्रारम्भमा प्रस्तुत गरिने सामुहिक नृत्य पनि प्रतियोगितात्मक हुने तथा विजेता टिमले २० लाख, उपविजेता टिमले १० लाख र तृतीय स्थान प्राप्त गर्ने टिमले पाँच लाख रुपैयाँ नगद पुरस्कार पाउने छन् ।
विश्वका विभिन्न ठूला शहरमा अडिशन लिँदै अघि बढिरहेको यस शोको पहिलो संस्करण सन् २०२३ मा आयोजना गरिएको थियो । यो वर्षको मेरो भ्वाइस युनिभर्स’ दीप श्रेष्ठ, सुरेश अधिकारी, शिव परियार, पुष्पन प्रधान र अञ्जु पन्त निर्णायकको रूपमा रहनुभएको छ भने ‘मेरो डान्स युनिभर्स’को निर्णायक मण्डलमा मिथिला शर्मा, दीलिप रायमाझी, शिल्पा मास्के, शंकर बिसी, कविराज गहतराज र किरण थापा रहनुभएको छ ।
त्यसअघि, गत फेब्रुवरी १३ का दिन हङ्कङकै ब्लू ओसन रेष्टुराँमा आयोजकको तर्फबाट मिट एण्ड ग्रिटको कार्यक्रम आयोजना गरिएको थियो । उक्त कार्यक्रममा विभिन्न जिल्लाका अध्यक्ष तथा विभिन्न जातजातिका संस्थाका अध्यक्षको उपस्थिति थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच