लेनदेन विवादमा बुहारी कुट्ने ससुरा पक्राउ

राजेन्द्र गौतम झापा, संवाददाता

२० फाल्गुन २०८१, मङ्गलबार १२:००

Read Time = 1 min

सिफारिस

ऊर्जामन्त्री खड्काद्वारा शङ्करपुर ताल सिँचाइ आयोजनाको शुभारम्भ

डिजिटल संस्करण

अपराध/सुरक्षा

A A- A+

झापा । लेनदेनको विषयमा विवाद हुँदा बुहारीलाई कुटपिट गर्ने ससुरा पक्राउ परेका छन् । पक्राउ पर्नेमा झापा गौरादह नगरपालिका-१ सितापुरीका ५१ वर्षीय धनप्रसाद न्यौपाने छन् ।

उनले ३४ वर्षीया बुहारी कोपिला न्यौपानेलाई कुटपिट गरी सख्त घाइते बनाएको गौरादह प्रहरीले जनाएको छ । नाताले काका ससुरा धनप्रसादले भतिज बुहारीलाई हिजो कुटपिट गरेका हुन् ।धनप्रसादले दाउराले गर्धन, हात र शरीरमा प्रहार गरी कोपिलालाई घाइते बनाएका हुन् ।

कोपिलाको मेडिम्याक्स अस्पताल गौरादहमा उपचार भइरहेको छ । उनको स्वास्थ्य अवस्था सुधारोन्मुख रहेको अस्पतालले जनाएको छ ।

बुहारी कोपिलालाई कुटपिट गर्ने धनप्रसादलाई इलाका प्रहरी कार्यालय गौरादहले नियन्त्रणमा लिएर कानुनी प्रक्रिया अघि बढाएको जनाइएको छ । लेनदेनको रकम भने प्रहरीले खुलाएको छैन ।

पक्राउ

यो खबर पढेर तपाईलाई कस्तो महसुस भयो ?