नयाँदिल्ली । मुम्बई इण्डियन्सले महिला प्रिमियर लिग (डब्लुपिएल)को उपाधि जितेको छ । मुम्बईको ब्राबोर्न स्टेडियममा भएको फाइनलमा दिल्ली क्यापिटल्सलाई हराउँदै मुम्बईले उपाधि जितेको हो । दिल्लीलाई ८ रनले पराजित गर्दै मुम्बईले दोस्रो पटक उपाधि जितेको हो । दिल्ली लगातार तेस्रो संस्करणमा उपविजेता बनेको हो ।
१५० रनको लक्ष्य पछ्याएको दिल्लीले २० ओभरमा ९ विकेट गुमाउँदै १४१ रनमात्र बनाउन सक्यो । दिल्लीका लागि मरिजाने कप्पाले २६ बलमा सर्वाधिक ४० रन जोड्नुभयो । मुम्बईका लागि नेट सेभरले तीन तथा अमेलिया केरले दुई विकेट लिनुभयो । त्यसअघि मुम्बईले टस हारेर पहिला ब्याटिङको निम्तो पाएकोमा निर्धारित २० ओभरमा ७ विकेट गुमाउँदै १४९ रनको योगफल तयार गरेको थियो ।
मुम्बईका लागि कप्तान हरमनप्रित कौरले ४४ बलमा सर्वाधिक ६६ रन बनाउनुभयो । दिल्लीका लागि श्री छरानी, मरिजाने कप्पा र जेस ज्यानसनले समान दुई विकेट लिनुभयो ।
डब्लुपिएलमा मुम्बईले सन् २०२३ को पहिलो र यो सिजन गरी दुई पटक उपाधि जितेको छ । २०२४ को उपाधि रोयल च्यालेन्जर्स बैंगलुरुले जितेको थियो । दिल्लीले लगातार फाइनल खेले पनि उपाधि जित्न सकेको छैन । डब्लुपिएलमा मुम्बई र दिल्लीसहित गुजरात जायन्ट्स, रोयल च्यालेन्जर्स बैंगलुरु र युपी वारिओर्ज गरी पाँच टोलीको सहभागिता थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच