नयाँदिल्ली । इण्डियन प्रिमियर लिग (आइपिएल)मा मुम्बई इण्डियन्सले चौथो हार बेहोरेको छ । तिलक बर्मा र कप्तान हार्दिक पाण्ड्याको आक्रामक ब्याटिङका बाबजुद मुम्बईको घरेलु मैदानमै रोयल्स च्यालेन्जर्स बैंग्लोर १२ रनले विजयी भएको हो । पाँचपल्टको आइपिएल विजेता मुम्बईलाई पराजित गरेको बैंग्लोरले चार खेलबाट ६ अंक बटुलेको छ । बैंग्लोर तेस्रो स्थानमा यथावत् छ । समान खेलबाट दुई अंक जोडेको मुम्बई आठौं स्थानमा छ ।
बैंग्लोरले दिएको २२२ रनको लक्ष्य पछ्याएको मुम्बईले नौ विकेट गुमाउँदै २०९ रनमात्रै बनाउन सक्यो । मुम्बईका तिलकले सर्वाधिक ५६ रन बनाउनुभयो भने हार्दिकले १५ बलमा ४२ रन बनाउनुभयो । यी दुईले पाँचौं विकेटका लागि ३४ बलमा ८९ रनको साझेदारी गर्नुभएको थियो । यद्यपि, यी दुईको आक्रामक ब्याटिङले मुम्बईलाई दोस्रो जित दिलाउन सकेनन् । मुम्बईले अन्तिम तीन ओभरमा चार विकेट गुमाएको थियो ।
हालसम्म पाँच खेल खेलेको मुम्बईको यो चौथो हार हो । पहिलो खेलमा आरसिबीसँग १२ रनले हारेको मुम्बई दोस्रो खेलमा लखनउसँग १२ रनले नै हारेको थियो । तेस्रो खेलमा भने मुम्बईले केकेआरलाई आठ विकेटले हराएको थियो । चौथो खेलमा गुजरातसँग ३६ रनले हारेको मुम्बई पाँचौं खेलमा सिएसकेसँग चार विकेटले पराजित भएको हो । मुम्बईसँगै सनराइजर्स हैदरावादले पनि चार खेल हारेको छ । पाँच खेलेको हैदरावादले सुरुको एकबाहेक सबै खेल हारेको छ । हैदरावादले पहिलो खेलमा कोलकाता नाइट राइडर्सलाई ४४ रनले पराजित गर्दै सानदार सुरुवात गरेको थियो । तर, त्यसयताका चार खेलमा लगातार हार बेहोरिरहेको छ ।
लगातार चार खेल हारेको हैदरावाद अंक तालिकाको पुछारमा खुम्चिएको छ । पहिलो खेलमा पञ्जाबसँग ११ रनको हार बेहोर्दै प्रतियोगिता सुरुवात गरेको गुजरातको भने यो लगातार तेस्रो जित हो । गुजरात ६ अंकसहित दोस्रो स्थानमा छ । समान अंक भएको दिल्ली क्यापिटल्स शीर्ष स्थानमा छ । तर, दिल्लीले भने एक खेल कम खेलेको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच